Hjálmholt 8

NÝTT Í SÖLU, glæsileg 213,3 fm efri sérhæð með bílskúr við Hjálmholt 8 í Reykjavík. Hæðin er skv. þjóðskrá 170,7 fm, bílskúrinn er 28,4 fm, geymsla í kjallara skráð 1,1 fm, Geymsla í kjallara sem er búið að breyta í herbergi er 10,8 fm og stigahúsið 2,3 fm eða samtals 213,3 fm.

ATH. opið hús er á eigninni þriðjudaginn 15. apríl frá kl. 17.30 til 18.00.

Nánara skipulag eignarinnar.
Eignin hefur sérinngang og þaðan er gengið inn í rúmgóðan stigagang upp á aðra hæð með teppi á gólfi. Úr stigaganginum er komið inn í bjarta og glæsilega forstofu með fataskáp.
Eldhúsið hefur verið endurnýjað með sérsmíðaðri innréttingu þar sem leitast var við að halda í upprunalegt yfirbragð eignarinnar. Korkur er á gólfi, tæki eru endurnýjuð og rýmið býður upp á góðan borðkrók. Úr eldhúsi er rennihurð inn í borðstofu.
Borðstofan er björt og rúmgóð með korki á gólfi. Þaðan er útgengi áfram í sólstofu sem leiðir út á opnar svalir. Eitt þrep liggur úr borðstofu niður í stofu sem er afar rúmgóð og björt, með teppi á gólfi og fallegum arni sem setur hlýlegt yfirbragð á rýmið.
Hol tengir miðrýmið við svefnherbergisgang. Út frá holinu er skrifstofa með parketi á gólfi og glugga sem snýr að svölum.
Hjónaherbergið er nýuppgert með harðparketi og vönduðum fataskápum. Innaf hjónaherberginu er sérbaðherbergi sem var hannað af arkitekt, flísalagt í hólf og gólf, með innréttingu, handklæðaofni og „walk-in“ sturtu.
Barnaherbergin eru tvö. Annað þeirra er rúmgott og var áður tvö herbergi sem hafa verið sameinuð – auðvelt er að breyta því til baka. Gólfið er með nýlegum korki og þar er upprunalegur fataskápur. Hitt barnaherbergið er minna að stærð, með parketi á gólfi og einnig með upprunalegum fataskáp.
Aðalbaðherbergið er með upprunalegri 60's hönnun og miklum karakter. Þar er baðkar, gluggi, gólfflísar og mosaik flísar á veggjum. Blöndunartæki hafa verið endurnýjuð og sturtuaðstöðu komið fyrir í baðkarinu. Einnig er þar nýlegur speglaskápur og handklæðaofn.
Þvottahús er innan hæðarinnar, með flísum á gólfi og góðri innréttingu.
Í kjallara er sérherbergi með sameiginlegu salerni og eldhúskrók, sem deilt er með einu öðru herbergi í eigu nágranna. Inngangur í kjallarann er bæði innan úr stigagangi og beint að utanverðu. Þetta herbergi hentar vel til útleigu eða sem unglingaherbergi.
Bílskúr fylgir eigninni, 28,4 fm að stærð, með rafmagni, heitu og köldu vatni.

Glæsileg sérhæð í einni af vinsælli götum Reykjavíkur. Einstök og eftirsótt staðsetning miðsvæðis í Reykjavík, í rólegu fjölskylduvænu hverfi. Stutt í leik-, grunn- og menntaskóla og háskólarnir í næsta nágrenni. Stutt í miðborgina, Sundhöllina og útivistarsvæðin á Klambratúni í Laugardalnum og við Öskjuhlíð. Kringlan í göngufjarlægð. Þá er gott aðgengi út á helstu umferðaræðar borgarinnar og stutt í almenningssamgöngur.
 
Allar frekari uppl. um eignina veitir Heiðar Friðjónsson lögg. fasteignasali í s. 693-3356 og heidar@valholl.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valhöll fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.