Ránargata 11 efri hæð

5 herbergja efri sérhæð í tvíbýli ásamt bílskúr við Ránargötu 11 á Eyrinni á Akureyri - samtals  181,3 m² að stærð.

- Eigandi skoðar skipti á minni eign í hverfinu á einni hæð -

Íbúðarhúsið er með skráð byggingarár 1971 og íbúðin er skráð 150,5 m² að stærð.  Bílskúrinn er stakstæður, skráður 30,8 m² að stærð og með byggingarár 1978.
Íbúðin skiptist þannig að á jarðhæð er forstofa, gestasalerni, geymsla, og þvottahús sem einnig nýtist sem bakdyrainngangur.  Hæðin sjálf skiptist svo í gang, stofu, eldhús, baðherbergi, 4 svefnherbergi og búr/geymslu.

Forstofa er með flísum á gólfi og þaðan er teppalagður steyptur stigi uppá hæðina.  Rúmgóð geymsla er undir stiga.
Eldhúsið er með flísum á gólfi og snyrtilegri viðarinnréttingu sem hefur verið filmuð hvít að hluta.
Baðherbergi er með flísum á gólfi, ljósri innréttingu og skáp, sturtu með hengi, handklæðaofni og opnanlegum glugga.  Gestasalerni er á jarðhæð innaf forstofu.
Stofan er með parketi á gólfi og stórum gluggum til þriggja átta.  Útgangur er úr stofu/gangi á rúmgóðar svalir til vesturs.
Svefnherbergin eru fjögur á hæðinni og á þeim er parket og í tveimur þeirra eru fataskápar.
Þvottahús er með máluðu gólfi og sprautulakkaðri innréttingu og útgangi til norðurs að bílastæði.
Geymsla með hillum er innaf þvottahúsi.

Bílskúrinn er stakstæður og stendur á norð-vesturhorni lóðarinnar.  Hann er steyptur og í honum er hitaveita og rafmagn, vinnuvaskur með heitu og köldu vatni.  Rafdrifinn hurðaopnari er á skúrnum og sunnan við skúrinn er timburverönd og köld útigeymsla.   Hellulagt bílaplan er fyrir framan bílskúrinn. 

Annað
- Þak var yfirfarið og bræddur nýr tvöfaldur tjörupappi árið 2020.
- Húsið var múrviðgert og málað að utan árið 2022.
- Sér hiti og rafmagn er í íbúðinni - en sameiginleg kyndikompa er utangeng á norðurhlið hússins.
- Gler hefur verið endurnýjað í suðurgluggum og í búrgeymslu.
- Lóð er skipt skv. eignaskiptayfirlýsingu.
- Lítill skúr á lóð fylgir með við sölu.
- Rúmgóð íbúð í góðu húsi á Eyrinni - göngufæri við miðbæinn, stutt í skóla og verslanir.