Urðarbrunnur 9

**Bókið skoðun hjá Brynjari í síma 896-1168 eða brynjar@eignamidlun.is**

Raðhús við Urðarbrunn 9 í Úlfarsárdal í Reykjavík. Húsið er fimm herbergja á tveimur hæðum með innbyggðum bílskúr. Húsinu verður skilað fullbúnu að utan með fullfrágenginni lóð og tilbúið til innréttinga. Allir veggir verða sparslaðir og grunnaðir. Húsið getur verið tilbúið til afhendingar við kaupsamning.

Samkvæmt skráningu Þjóðskrár Íslands er birt flatarmál eignarinnar 213,3 fm, flatarmál íbúðarrýmis er 184,5 fm og flatarmál bílskúrs er 28,8 fm.
Neðri hæð: Anddyri, tvö svefnherbergi, baðherbergi/þvottahús, bílskúr og geymsla. Efri hæð: Baðherbergi, tvö svefnherbergi, stofa, borðstofa og eldhús, útgengi út á svalir frá eldhúsi/borðstofu.

Smellið hér til að fá söluyfirlit sent strax

Frágangur íbúða:
Húsið er staðsteypt. Útveggir eru einangraðir að utan og klæddir áli. Léttir milliveggir eru hlaðnir úr léttsteypu. Loft eru slípuð, spörtluð og grunnuð. Veggir sparslaðir og grunnaðir. Gluggar grunnaðir. Húsið afhendist án allra innréttinga og innihurða (gert er ráð fyrir að innihurðar séu í aukinni hæð). Baðherbergi verða óinnréttuð og án allra tækja, búið verður að setja upp og tengja innbyggða klósettkassa. Innmúrað tengibox í vegg fyrir innbyggð sturtutæki frá Grohe er komið á bæði baðherbergin. Húsin eru afhent án allra gólfefna. Á milli hæða er steyptur stigi. Húsinu verður skilað með stigahandriði.
Ofnakerfi:
Gólfhiti er á báðum hæðum og er hann tengdur en án hitastýringa. Allir vatnsstútar eru tilbúnir til tengingar. Ídráttur fyrir loftræstingu er lokið og hafa lagnir verið hreinsaðar, húsið verður afhent án búnaðar til loftræstinga.
Rafmagn:
Rafmagn er fullfrágengið samkvæmt teikningu, lokið við allan ídrátt, rafmagnstafla fullkláruð og vinnuljós komin. Tenglar og rofar eru ísettir og rammar komir á. Ljós kominn að utan og hitaþráður í þakniðurföll. 
Frágangur utanhúss:
Útveggir eru staðsteyptir og klæddir með áli skv útlitsteikningu, þak er einangrað og klætt með pvc þakdúk skv. teikningum arkitekts. Svalagólfi verður skilað með flísum á flísakerfi. Svalir íbúða skilast með handriði. Sorpgeymsla er forsteypt framanvert við húsið. Gluggar og útihurðir eru álklæddir timburgluggar. Allt gler í húsinu er tvöfalt K-gler. Lóðin verður fullfrágengin, hellulagt bílaplan og stétt fyrir aftan húsið. Timburpallur framan við hús. Snjóbræðslulögn er í plani og er tengt við hitakerfi hússins. 
Annað:
Annað sem ekki er upptalið hér að framan fylgir ekki. Sjá nánar í skilalýsingu seljanda. Allar breytingar sem kaupendur óska eftir frá skilalýsingu verða á kostnað kaupenda.
Kaupendur greiða 0,3% skipulagsgjald af endanlegu brunabótamati eignarinnar þegar það verður lagt á.
Úlfarsárdalur er náttúruperla sem liggur afar vel við samgöngum. Í hverfinu er skóli, leikskóli og  íþróttaaðstaða Fram og nýlega var opnuð hverfismiðstöð sem hefur að geyma bókasafn og glæsilega sundlaug (Dalslaug). Í göngufæri er hið einstaka útivistarsvæði við Reynisvatn, Úlfarsfellið og fleira.  

Nánari uppl. 
Brynjar Þór Sumarliðason viðskiptafræðingur og löggiltur fasteignasali í síma 896 1168 - brynjar@eignamidlun.is