Sunnusmári 7

Nýtt í sölu! Stórglæsileg 4 herb. íbúð með stórum svölum með svalalokun og sérstæði í bílakjallara AUK 2 herb. íbúðar með svölum inn í inngarð hússins.

Spennandi eign fyrir stóra fjölskyldu, fjárfesta til útleigu eða þá sem vilja geta leigt út aukaíbúð frá sér!

Lind fasteignasala / Heimir Hallgrímsson lögg. fasteignasali kynna til sölu afar glæsilega og vandaða 177,2 fermetra íbúð á 5. hæð (506) í fallegu nýju lyftuhúsi byggðu af ÞG Verk við Sunnusmára 7 í Kópavogi. Eignin skiptist í tvær íbúðir: Annars vegar í 4ra herb. íbúð með glæsilegu eldhúsi í opnu rými, þremur svefnherbergjum, baðherbergi, þvottaherbergi, forstofu og svölum með svalalokun. Hins vegar í 2ja herb. íbúð með eldhúsi í alrými, svefnherbergi, baðherbergi með aðstöðu fyrir þvottavél og þurrkara ásamt svölum. Auk þess fylgir eigninni sérmerkt stæði í bílakjallara og rúmgóð 10,0 fermetra geymsla í kjallara. Lyfta er í húsinu sem gengur beint niður í geymslugang og bílakjallara.

Húsið, sem er byggt af ÞG Verk, er steinsteypt og útveggir einangraðir að utan, klætt álklæðningu sem tryggir lágmarks viðhald húsanna. Gluggar eru ál/tré kerfi og glerjaðir með K-gleri. Innveggir aðrir en steyptir eru úr hleðslusteini. Fallegur sameiginlegur garður til suðvesturs sem verður fullfrágenginn.

ALLAR NÁNARI UPPLÝSINGAR VEITIR:
Heimir F. Hallgrímsson í síma: 849-0672 / HEIMIR@FASTLIND.IS

Nánari lýsing:
Sameiginleg forstofa er fyrir báðar íbúðir með fallegu harðparketi, skápum og glugga inn í inngarð hússins.

Stærri íbúð: Skiptist í forstofu, eldhús með eyju í alrými með stofu/borðstofu, 3 svefnherbergi, baðherbergi og þvottaherbergi. Útgengt á rúmgóðar svalir með svalalokun og timbur svalagólfi. Sérgeymsla og sérstæði í bílakjallara.
Forstofa: Með harðparketi á gólfi og góðum skápum.
Stofa: Er rúmgóð, með harðparketi á gólfi og rúmar vel setustofu og borðstofu. Stofa er opin við eldhús.
Eldhús: Með harðparketi á gólfi og fallegri eldhúsinnréttingu frá GKS. Glæsilegur steinn á borðum og stórri eldhúseyju sem hægt er að sitja við. Bakaraofn, spansuðu helluborð, innbyggður kæliskápur með frysti, innbyggð uppþvottavél og undirfelldur vaskur. Lýsing undir efri skápum.
Baðherbergi: Með flísum á gólfi og hluta veggja. Flísalögð sturta með glerþili, innréttingu við vask, handklæðaofni og upphengdu salerni.
Þvottaherbergi: Með flísum á gólfi, góðri innréttingu, tenglum fyrir þvottavél/þurrkara og hillum.
Svefnherbergi I: Með harðparketi á gólfi, skápum og glugga.
Svefnherbergi II: Með harðparketi á gólfi, skápum og glugga.
Hjónaherbergi: Með harðparketi á gólfi, skáðum og glugga.
Svalir I: Eru rúmgóðar með svalalokun og fallegu viðar svalagólfi.

Minni íbúð: Skiptist í forstofu, eldhús í alrými, svefnherbergi og baðherbergi með aðstöðu fyrir þvottavél og þurrkara. Svalir sem snúa inn í inngarð hússins með timbur svalagólfi.
Forstofa: Með harðparketi á gólfi og skáp.
Stofa/eldhús: Er staðsett í einu rými, með harðparketi á gólfi, gluggum til vesturs og austurs. Falleg innrétting frá GKS með innbyggðum kæliskáp með frysti, innbyggðri uppþvottavél, bakaraofni og spansuðu helluborði. 
Svefnherbergi: Með harðparketi á gólfi, skápum og glugga. 
Baðherbergi: Með flísum á gólfi og hluta veggja. Flísalögð sturta með glerþili, innrétting við vask, upphengt salerni, handklæðaofn og tenglar fyrir þvottavél/þurrkara.
Svalir II: Með viðar svalagólfi og snúa inn í skjólgóðan inngarð hússins.

Bílastæði: Er sérmerkt í bílakjallara með rafhleðslustöð.
Geymsla: Er staðsett í geymslugangi og er 10,0 fermetrar að stærð.

Sunnusmári er nýtt hverfi miðsvæðis á höfuðborgarsvæðinu þar sem stutt er í alla þjónustu, verslanir, skóla og leikskóla. Sunnusmári er frábær kostur fyrir þá sem kjósa að búa í íbúðarhverfi þar sem öll helsta þjónusta er í næsta nágrenni.

Byggingaraðili er ÞG Verk sem eru með yfir 20 ára reynslu á byggingarmarkaði. Fyrirtækið leggur áherslu á vandaðar íbúðir, góða þjónustu og skil íbúða á réttum tíma. Áreiðanleiki, gæði og notagildi eru einkunnarorð ÞG verks og fyrirtækið kappkostar að eiga gott samstarf við viðskiptavini sína. 

Aðalhönnuður hússins: Er teiknistofan ARKIS ehf. Hanna verkfræðistofa ehf. sér um hönnun burðarvirkis, Teknis ehf. um hönnun lagna og Lumex um raflagnahönnun.