Rauðarárstígur 3

Miklaborg kynnir: Einstaklega sjarmerandi, hlý og björt íbúð á besta stað við Rauðarárstíg gegnt Lögreglustöðinni. Íbúðin hefur verið endurnýjuð af kostgæfni, ný eldhúsinnrétting, baðinnrétting, ofnar, gólfefni og hurðar svo eitthvað sé nefnt. Íbúðin nær í gegn og er staðsett milli Laugavegs og Bríetartúnar í fallegu fjölbýlishúsi. Bílastæði eru víða, bæði við Rauðarárstíginn sem og á bak við húsið. Íbúðir sem þessar koma sjaldan í sölu í miðbæ Reykjavíkur með fjársterkum hússjóð.

Gangstétt, gata og bílastæði fyrir framan húsið er upphitað með affalli húsa við götuna og hið sama á við um gangstétt í inngarði á bak við hús. Fjórar hleðslustöðvar eru fyrir framan húsið.

Nánari lýsing:

Eldhús: Ný eldhúsinnrétting, hvít að lit með svörtum höldum og borðplötum. Handgerðar postulíns fílsar á milli neðri og efri skápa sem og sitt hvoru megin við glugga sem vísar út í bakgarð hússins þar sem er Skúlagarður sem segja má að sé eitt af földu leyndarmálum miðbæjarins, skjólgóður og barnvænn garður. Gott vinnupláss, ný eldunar- og blöndunartæki og pláss fyrir innbyggða uppvottavél og ísskáp.

Stofa: Rúmgóð með útsýnisglugga sem vísar í vestur út Bríetartúnið yfir til Skúlagötu og sjávar.

Svefnherbergi: Tvö svefnherbergi sem eru mjög rúmgóð, annað þeirra vísar út að Rauðarárstíg en hitt inn að inngarði í austur.

Baðherbergi: Til hliðar við anddyri og eins og annað þá hefur það verið endurnýjað með glæsilegum hætti. Fallegar flísar á gólfi og veggjum. Skúffuinnrétting með handlaug ofan á og stór spegill á vegg. Ný sturta með Unidrain niðurfalli, upphengd salernisskál og handklæðaofn.

Sameiginlegt þvottahús í kjallara sameignar sem og sérgeymsla íbúðar.

Ekkert er skemmtilegra en íbúðir í eldri hluta Reykjavíkur sem hafa verið endurnýjaðar með vandvirkni og glæsileika. Íbúðin sem um ræðir er svo sannarlega gott dæmi um slíkt.

Stutt er í ýmis konar þjónustu t.d. er Bónus og Krónan innan við 11 mínútna göngufjarlægð ásamt apóteki, stofnbrautir, heilsugæslu og annað. Frábær kaup á miðbæjaríbúð sem bíður nýrra eigenda sem vilja láta fara vel um sig.

Nánari upplýsingar veitir Jón Rafn fasteignasali í síma 695-5520 eða jon@miklaborg.is