Álftamýri 54

Vernharð Þorleifsson löggiltur fasteignasali kynnir í sölu Álftamýri 54.  Þetta fallega hús sem hefur verið áberandi kennileiti í borginni um áratuga skeið.
Um er að ræða rúmgóða og mjög bjarta 4-5 herbergja íbúð á fyrstu hæð ásamt bílskúr.
Eignin er skráð samtals 143,4 fm samkvæmt HMS, þar af er íbúðin 99,8 fm, tvær geymslur samanlagt 18,3 fm og bílskúr með gryfju 25,2 fm.
Íbúðin er teiknuð með þremur svefnherbergjum en hægt væri að færa eldhúsið inn í stofuna og fá þannig fjórða svefnherbergið þar sem eldhúsið er í dag. 
Íbúðin er með glugga á þrjá vegu, fallegu útsýni og tengi fyrir þvottavél innan íbúðar. Staðsetningin er afskaplega góð í vinsælu og grónu hverfi þar sem stutt er í alla helstu þjónustu, skóla, leikskóla og íþróttasvæði Víkings í Safamýri. Verslunarmiðstöðin Kringlan er í göngufæri.
Frekari upplýsingar veitir Vernharð Þorleifsson löggiltur fasteignasali í síma 699-7372 / venni@remax.is
Kíktu í heimsókn til okkar á Facebook eða á Instagram

Nánari lýsing:
Komið er inn í hol með eldhús á vinstri hönd.
Eldhús er með snyrtilegri hvítri innréttingu og borðkrók.
Stofa og borðstofa eru bjartar og rúmgóðar með parketi á gólfi. Úr stofu er útgengt út á suðursvalir. Stórir og fallegir gluggar einkenna rýmið.
Hjónaherbergi er með skemmtilegu fataherbergi inn af og parketi á gólfi.
Á teikningum eru tvö barnaherbergi. Þau hafa verið sameinuð í eitt en hurðin var látin vera og er því auðvelt að setja upp vegg aftur og gera tvö herbergi.
Baðherbergi er snyrtilegt og flísalagt í hólf og gólf með hvítri innréttingu og sturtuklefa.
Mjög gott geymslurými  í sameign.
Bílskúr er 23,1 fm með nýlegri bílskúrshurð með gönguhurð og gryfju.
Í sameign er hjóla- og vagnageymsla.
Hiti er í stétt fyrir utan.
Hér er um að ræða rúmgóða og vel skipulagða eign í þessu vinsæla hverfi sem Háaleitishverfið er. Álftamýrarskóli er við hlið hússins og stutt göngufæri er í helstu þjónustu og útivist.
Fyrir þá sem kunna að meta  moderníska klassík þá er þetta húsið fyrir þig. Það hefur verið  einkennandi hluti af borgarmyndinni með þessum áberandi gulu og bláu flötum með hreinum línum og stórum gluggum og hver man ekki eftir upprunalegu jólaseríunum sem voru lengi partur af því að komast í jólaskapið.