Laugatún 6

Fasteignasala Sauðárkróks býður til sölu fasteignina við Laugatún 6, Sauðárkróki ásamt tilheyrandi hlutdeild í sameign og lóðarleiguréttindum.
Mikið endurnýjað, vel skipulagt og bjart sjö til átta herbergja parhús ásamt bílskúr, alls 178 fm. 
Húsið er steinsteypt og byggt árið 1993 en bílskúr og tengibygging var byggt við árið 2013.
Leigulóð hússins alls er 1024,5 fm. 
Fasteignin er vel staðsett í vinsælu hverfi. 

Íbúðin skiptist í fjögur herbergi, stofu, eldhús, sjónvarpshol og hol, tvö barðherbergi og tvær forstofur. 
Komið er í flísalagða forstofu. Útihurð var endurnýjuð haustið 2025.
Frá forstofu er komið í eldhús og stofu en rýmið er opið og lofthæð mikil. 
Eldhús var endurnýjað fyrir um 3 árum. Í eldhúsi er dökk innrétting og borðplata er svaryrjótt úr steini. Eldhústæki eru innbyggð og mikið skápapláss. Á gólfi er parket.
Stofa er parketlögð og snúa gluggar til vesturs. 
Frá stofu er komið í millibyggingu milli íbúðarinnar og bílskúrs.
Á þeim gangi er baðherbergi með flísum á gólfi, fiboplötum á veggjum, dökkri innréttingu við vask og sturtuklefa. 
Í bílskúr eru tvö parketlögð herbergi, flísalögð forstofa og geymsla sem gengið er til utan frá. 
Frá alrými er gengið niður nokkrar tröppur í parketlagt hol. 
Þar við eru tvö herbergi, sjónvarpshol, baðherbergi og þvottahús. 
Herbergi eru bæði parketlögð.
Sjónvarpshol er sameinað úr tveimur herbergjum, svo möguleiki er að bæta við herbergjum. 
Baðherbergi er rúmgott, með flísum á gólfi og í sturtu, fibo plötum á veggjum og dökkri innréttingu við vask. 
Þvottahús er með máluðu gólfi og innréttingu fyrir þvottavél og þurrkara. Frá þvottahúsi er gengið út í afgirtan pall með heitum potti suð-austan við húsið. Geymsluloft er ofan við þvottahús.

Framan við húsið eru fjögur bílastæði, tvö framan við íbúðina og tvö framan við bílskúrinn.
Planið framan við íbúðina er malbikað plan með hitalögn sem virkar ekki. Framan við bílskúrinn er malarborið plan. 
Hellulögð verönd er framan við húsið ásamt palli. Pallur var gerður sumarið 2025.
Sér heitavatnsgrind er fyrir bílskúr og íbúðina. 
Búið er að skipta um rúður í stofu. 

Nánari upplýsingar er að fá hjá Fasteignasölu Sauðárkróks í síma 453 5900 eða á netfangið fasteignir@krokurinn.is
Sunna Björk Atladóttir lögmaður og löggiltur fasteignasali