Súluhöfði 20

Berglind Hólm lgfs og RE/MAX kynna: Glæsilegt og sérlega vandað einbýlishús á einni hæð innarlega í rólegum botnlanga steinsnar frá Golfvellinum í Mosfellsbæ, Hlíðarvelli. Í eigninni eru fimm mjög góð svefnherbergi, stórt alrými sem rúmar stóra stofu, borðstofu og eldhús og þrjú salerni (tvö með baðaðstöðu). Eitt af svefnherbergjunum er með sér baðherbergi inn af herberginu. Fataherbergin er inn af hjónaherbergi. Bílskúrinn er sérlega stór með góðri lofthæð og mikið af gluggum. Hús og lóð eru fullfrágengin á vandaðan hátt. Allar innréttingar eru sérsmíðaðar og sérlega vandaðar.

Allar nánari upplýsingar veitir Berglind Hólm lögg.fasteiganasali í síma 694-4000 eða berglind@remax.is 

Nánari lýsing:
Húsið er næst innsta hús í litlum botnlanga og liggur hægra megin í götu. Fyrir framan húsið er stórt bílastæði með stimpilsteypu og snjóbræðslu. Falleg aðkoma er að aðalinngangi hússins. Sunnan- og vestan megin við húsið er timburverönd með góðum skjólveggjum. Öll lóðin er frágengin og snyrtileg með grasi, beðum, veröndum og skrautmöl.
Forstofa: Komið er inn í forstofu með náttúrusteinflísum á gólfi. Góður fataskápur er í rýminu sem ná alveg upp í loft. Veggur úr gleri og eik skilur á forstofuna frá húsinu, glerrennihurð er í veggnum sem hleypir fallegri birtu inn í eignina.
Alrými (eldhús, borðstofa, setustofa + sjónvarpsstofa) 97,5 fm
Eldhús: Eldhúsið er mjög rúmgott með vandaðri eikar innréttingu og miklu skápaplássi. Innrétting er í U og opin að hluta yfir í borðstofuna. Skápar eru upp í loft á einn vegg, góður gluggi er fyrir ofan vaskaborð á annan vegg og þriðja hlið innréttingarinnar er eyja sem snýr yfir að borðstofunni með neðriskápum, barborði og skápum sem hengdir eru upp í loft fyrir ofan. Gert er ráð fyrir tvöföldum ísskáp í innréttingunni og ofn er í vinnuhæð. Náttúrusteinflísar eru á gólfi.
Borðstofa: Fyrir framan eldhúsið er borðstofan með náttúrusteinflísum á gólfi og fallegum gluggum á tvo vegu. Opið yfir í setustofu og sjónvarpshol.
Setustofa: Setustofan er rúmgóð með fallegu viðarparketi á gólfi. Glæsilegur bogadreginn gluggi með tvöfaldri vængjahurð prýðir setustofuna og setur glæsilegan svip á hana. Gengið er út á veröndina/lóðina vestan megin við húsið. Opið er yfir í sjónvarpsholið og borðstofuna.  
Sjónvarpshol: Í alrýminu er rúmgott sjónvarpshol með viðarparketi á gólfi.
Herbergi nr.1: Fyrsta svefnherbergið er sérlega rúmgott 21,6 fm með fallegu viðarparket á gólfi. Góður eikarfataskápur. Útgengt er frá herberginu út á veröndina sunnan megin við húsið. Inn af herberginu er sérbaðherbergi.
Baðherbergi nr.1: Innaf fyrsta herbergin er sérbaðherbergi með glugga. Flísar eru á gólfi og á hluta af veggjum. Sturta með glerskilrúmi eru á baðherberginu. Salernið er upphengt. Eikarinnrétting er undir hvítum ofanáliggjandi vaski.
Aðal-Baðherbergi: Baðherbergið er stórt og flísalagt í hólf og gólf með fallegum flísum. Hvít innrétting er undir ljósri borðplötu með tveimur vöskum. Stór spegil er fyrir ofan vaskaborðið, mikið skápapláss og borðpláss er í innréttingunni. Bæði er baðkar og sturta í rýminu. Opnanlegur gluggi. Handklæðaofn er á vegg. Salernið er upphengt.
Herbergi nr.2 (hjónaherbergi): Hjónaherbergið er rúmgott með viðarparketi á gólfi. Fataherbergi með innréttingu er inn af hjónaherberginu.
Herbergi nr.3, nr.4 og nr.5: Þrjú af herbergjunum eru öll rúmgóð, í kringum 11 fm hert um sig með viðarparketi á gólfi og tvöföldum fataskápum.
Gestasalerni: Á gangi rétt við alrýmið er gestasalerni með upphengdu salerni. Flísar eru á gólfi og upp á vegg í kringum vatnskassann.
Þvottaherbergið: Þvottaherbergið er á milli húss og bílskúrs hvítri innréttingu og vinnuborði. Flísar eru á gólfi. Innangengt er í bílskúr.
Bílskúr: Bílskúrinn er sérlega stór og rúmgóður með mikilli lofthæð. Góðir gluggar eru í skúrnum. Flísar eru á gólfi. Hitaveita og neysluvatn.
Lóð: Lóðin er fallega frágengin. Fyrir framan húsið er slípuð stimpilsteypa sem liggur einnig austan megin við eignina. Vestan megin við húsið er smá grasbali og góð timburverönd með skjólveggjum. Geymsluskúr fylgir eigninni innst í lóðinni. Sunnan við húsið er einnig verönd með steyptu gólfi og skjólveggjum. Garðurinn er fallegur og skjólgóður.
 
Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is