Nesvegur 57

LIND fasteignasala og Helga Pálsdóttir löggiltur fasteignasali kynnir glæsilega og mikið endurnýjuð 5. herbergja hæð á fyrstu hæð (miðhæð) með sérinngangi, bílskúr og bílastæði á vinsælum stað að Nesvegi 57, 107 Reykjavík. Húsið er þríbýlishús staðsett á eignarlóð. Eignin er skráð samkvæmt Þjóðskrá Íslands 125,5 m2. Þar af er endabílskúr skráður 18 m2. Það fylgir rúmgóð geymsla/herbergi í kjallara, sem er ekki inni í fermetratölu sem er um 8 m2. Eignin telur þvi samtals 133,5 m2.

Eignin skiptist í forstofu/hol, sjónvarpsstofu, borðstofu, rúmgott eldhús, svefnherbergisgang, þrjú svefnherbergi, baðherbergi, herbergi/geymslu á jarðhæð og bílskúr. Sameiginleg þvotta- og þurrkaðstaða er í kjallara eignar. Íbúðin var mikið endurnýjuð að innan árið 2021 ásamt því að húsið hefur fengið mikið viðhald. Gróinn og fallegur sameiginlegur garður umlyggja húsið og búið er að setja upp rafhleðslustöð í bílskúr. 

Frábær staðsetning í hjarta Vesturbæjar þar sem stutt er í alla helstu þjónustu, Vesturbæjarlaug, Melabúðina, KR, Háskóla Íslands og leik- og grunnskóla. 

Nánari lýsing: 
Forstofa/hol: Gengið er inn um sérinngang. Í forstofunni eru fallegar flísar á gólfi og innbyggðir hvítir fataskápar. Frá forstofu er innangengt niður í sameign, geymslu/herbergi og þvottaaðstöðu. 
Stofur og sjónvarpshol: Rúmgott alrými, sem rúmar stofu, borð- og sjónvarpsstofu, í opnu rými með flæðandi dökku viðarparketi með fallegu basket weave mynstri á gólfi. Vönduð innbyggð hillueining hannaðri og sérsmíðuð af Tréborg trésmiðju í samstarfi við HAF STUDIO einkenni rýmið. Frá sjónvarpsstofu er útgengt á rúmgóðar suðvestur svalir. Frá stofu og svölum er fallegt útsýni út á sjó og yfir Bessastaði.
Eldhús: Mjög bjart og rúmgott eldhús með veglegri 7,5 metra langri innréttingu og búrskáp hannað í samstarfi við HAF STUDIO. Innréttingin er búin dökkum eikar frontum frá HAF STORE með einkar góðu skápaplássi. Fallegar flæðandi steinflísar á borðum og hluta veggjar. Eldhúsið er búið tveimur bakaraofnum í vinnuhæð, gert er ráð fyrir vínkæli, innbyggðri uppþvottavél, vask með útdraganlegum barka og niðurfelldu spanhelluborð af stærri gerð, Innbyggðum búrskáp útfærður af Svansverk í samvinnu við HAF STUDIO. Flæðandi dökkt viðarparket með fallegu mynstri (basket weave) á gólfi og gluggar með opnanlegum fögum. Gardínur frá Casalisa.
Hjónaherbergi: Hjónaherbergið er rúmgott með loftháum nýlegum fataskápum og parketi á gólfi. Gluggi með gardínum frá Casalisa snýr í átt að sameiginlegum grónum garði. 
Svefnherbergi: Að undanskildu hjónaherbergi eru tvö svefnherbergi með parketi á gólfi, fataskápum og gardínum frá Casalisa í glugga.
Baðherbergi: Flísalagt í hólf og gólf búið sérsmíðaðri innréttingu með handlaug, skápum, speglaskáp, upphengdu salerni, handklæðaofni og flísalagðri ''walk in" sturtuaðstöðu. Loft er niðurtekið að hluta, búið innbyggðri lýsingu. Granít á borði og í hillum í sturtu. 
Geymsla: Á jarðhæð sameignar er rúmgóð sérgeymsla ( herbergi ) með glugga og sérinngangi. Geymslan/herbergið  er ekki inni í skráðum fermetrum. ( ca 8 m2 )
Þvottaherbergi: Sameiginlegt þvotta- og þurrkherbergi er staðsett á jarðhæð sameignar. 
Bílskúr: Rúmgóður endabílskúr skráður 18 m2 með bílskúrshurð að framan og hurð á norðvesturhlið sem snýr út í garð. Búið er að setja upp rafhleðslustöð. 
Garður/lóð: Góð aðkoma er að húsinu og virkar eignin og umhverfið mjög snyrtilegt.

Viðhald íbúðar og sameignar: 
2009 var skipt um járn og pappa á húsi
Árið 2021: Íbúðin var mikið endurnýjuð um sumarið og má nefna að HAF STUDIO var fengið til að hanna eldhús, stofu og forstofu. Rafmagn endurnýjað (tafla, lagnir, tenglar og rofar). Home snjallkerfi sett á flesta ljósarofa. Eldhústæki endurnýjuð með tvískiptum vínkæli, stóru helluborði, og tækjaskáp með ljósi. Flestar rósettur, glugga-, gólf og loftlistar voru endurnýjaðir og lakkaðir í HAF hvítu, lagt var glæsilegt olíuborið viðarparket á gólf íbúðar og flísar á forstofu. HAF STUDIO hannaði sérsmíðaða sjónvarpshillu í stofurými og settar voru upp sérsniðnar gardínur frá Casalisa í alla íbúðina. 
Árið 2023: Mikið var unnið í garði, trjám/runnum var fækkað, settar grasþökur í staðinn fyrir auðveldari umhirðu, dúkur og möl sett upp við hús að aftan.
Árið 2024 : Skólp endurnýjað að stofnlögn og stofnlögn fóðruð, rafmagnstafla í sameign endurnýjuð. Svalahurð endurnýjuð. Gluggar á suður og austurhlið endurnýjaðir. Skipt um gler og gluggalista á gluggum á norðurhlið. Gluggar á vesturhlið lakkaðir að utan. Nýtt ruslatunnuskýli og þakrenna á bílskúr lagfærð
Árið 2025:  múrlagfæringar á inngang/skyggni eignar ásamt því að setja á upp nýtt handrið úr ryðfríu stáli. Einnig voru  múrviðgerðir gerðar á svölum ásamt því að setja á upp nýtt svalarhandrið úr ryðfríu stáli og gleri. 

Um er að ræða sérlega glæsilega og mikið uppgerða hæð með bílskúr á mjög vinsælum stað í Vesturbæ Reykjavíkur. Betri staðsetning á höfuðborgarsvæðinu fyrir þá sem vilja vera nálægt bæjarlífi Vesturbæjarins er vandfundin. Nálægð við góðar samgönguæðar tengja svo hverfið við alla staði borgarinnar. Einnig er stutt í alla helstu þjónustu, KR, Grandaskóla og fallegar hjóla- og gönguleiðir við Ægissíðuna

Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is