Klettasel 2

BYR fasteignasala kynnir í einkasölu KLETTASEL 2, 700 Egilsstaðir. Nýtt fjögurra herbergja parhús með innbyggðum bílskúr, staðsett í útjaðri Egilsstaða, stutt í alla almenna þjónustu.
Stutt í útivist og gönguleiðir svæði.Smellið hér fyrir staðsetningu. 
Húsið er timburhús byggt árið 2022. Eignin skiptist í parhús 104.7 m² og bílskúr 25.1 m², samtals 129.8 m² samkvæmt skráningu HMS. 
Skipulag eignar: Anddyri, alrými með stofu, borðstofu og eldhúsi, þrjú svefnherbergi, baðherbergi, gangur, þvottahús, bílskúr og geymsluloft.

Nánari lýsing: 
Anddyri með tvöföldum fataskáp, lagt er fyrir ofni í anddyri.
Alrými með stofu, borðstofu og eldhúsi, útgengt er úr stofu út í garð aftan við húsið (suð-vestur). 
Eldhús með Brúnás innréttingu, eyja, AEG helluborð með innbyggðri viftu í eyju, möguleiki er á að sitja við eyju. AEG ofn í vinnuhæð, gert er ráð fyrir innbyggðri uppþvottavél, ísskáp og frysti (hurðar fylgja en tækin ekki), tækjaskápur.  
Þrjú svefnherbergi eru í eigninni. 
Hjónaherbergi með sexföldum fataskáp.  
Tvö barnaherbergi, hvorugt með fataskáp.
Baðherbergi, sturta, upphengt salerni, vask innrétting og veggskápur, handklæðaofn, gluggi, flísar á tveimur veggjum (sturtuhorn). 
Þvottahús, innrétting með hækkun fyrir tvær vélar og vinnuborði, gluggi.
Gólfefni: Vínylparket er á alrými, gangi svefnherbergjum og í geymslu. Flísar eru á baðherbergi og þvottahúsi. 
Húsið er upphitað með gólfhitalögn sem er steypt í gólfplötu, ofnar eru í svefnherbergjum, Danfoss stýringar á veggjum. Innbyggð lýsing er í alrými. Allar innréttingar í eldhúsi, baðherbergi, þvottahúsi og fataskápar eru frá Brúnás.
Bílskúr, rafdrifin opnun er á bílskúrshurð, gönguhurð er inní bílskúr við anddyri hússins. Inntök veitna er í bílskúr, rafmagnstafla og gólfhitagrind, þriggja fasa rafmagn. 
Lúga með fellistiga er frá bílskúr uppá geymsluloft. 

Nánar um húsið. Klettasel 2 er parhús á einni hæð. Húsið er timburhús á steyptum grunni. Húsið er klætt að utan með liggjandi álklæðningu, járn á þaki. Hurðar og gluggar eru timbri með K-gleri. 
Gert er ráð fyrir þremur bílastæðum á lóð, tengimöguleiki fyrir rafmagnsbíla er fyrir hendi (þ.e. langaleið er til staðar ekki er dregið í). Lóð frágengin í hæð, sáð var í lóðina, möl í bílaplani og við inngang hússins.
Gert er ráð fyrir sorptunnuskýli á teikningu fyrir þrjár tunnur, fylgir ekki.
Lóðin er 408.0 m² leigulóð.