Mosagata 3

Glæsileg 5 herbergja útsýnisíbúð með tveimur bílskúrum við Mosagötu 3 í Urriðaholti

Einstaklega falleg, björt og vel skipulögð 5 herbergja útsýnisíbúð á efstu hæð við Mosagötu 3 í Urriðaholti.
Íbúðin er á 4. hæð í snyrtilegu og vel viðhöldnu fjölbýlishúsi með lyftu.
Eignin er alls 177,7 fm að stærð, þar af er íbúðin 120,9 fm, sérgeymsla í kjallara 11,3 fm og tveir samliggjandi bílskúrar, 23,2 fm og 22,3 fm.

Eignin hefur margt til að bera, þar á meðal stórt og bjart alrými, fjögur svefnherbergi, glæsilegt eldhús,
lokaðar og yfirbyggðar útsýnissvalir og tvo rúmgóða bílskúra.
Útsýnið er einstaklega fallegt og staðsetningin frábær í einu eftirsóttasta hverfi Garðabæjar.

Nánari lýsing
Gengið er inn í íbúðina af opnum svalagangi.
Forstofa er rúmgóð með flísum á gólfi og góðum fataskáp.
Þvottahús er inn af forstofu, með aðstöðu fyrir þvottavél og þurrkara.Undir tækjunum eru hentugar tauskúffur og flísar á gólfi.
Eldhús og stofa mynda saman bjart og opið alrými þar sem falleg hönnun og vandað efnisval njóta sín.
Eldhúsinnréttingin er ítölsk frá Colombini Casa, spónlögð og hvít sprautulökkuð með ljúflokun. Ofn er í vinnuhæð og gert er ráð fyrir uppþvottavél og ísskáp.
Glæsileg eldhúseyja með spanhelluborði býður upp á gott vinnu- og geymslupláss. Borðplötur og eyja með fallegum quartz-steini.
Úr alrýminu er gengið út á glæsilegar, yfirbyggðar og lokaðar útsýnissvalir, 10,1 fm að stærð. Þar er einstaklega notalegt að njóta útsýnisins og hafa skjól fyrir veðri og vindum.
Hjónaherbergi er rúmgott og bjart, með góðum fataskápum og gluggum í tvær áttir.
Þrjú svefnherbergi til viðbótar eru öll með fataskápum.
Baðherbergi er flísalagt í hólf og gólf og búið sturtubaðkari, handklæðaofni, speglaskáp og upphengdu salerni. Opnanlegur gluggi veitir góða loftræstingu.
Gólfefni eru ljós og falleg, parket á helstu rýmum en flísar á baðherbergi, í forstofu og þvottahúsi.
Geymsla er í kjallara, 11,3 fm að stærð. Þar er einnig sameiginleg hjóla- og vagnageymsla.
Bílskúrar eru tveir, 23,2 fm og 22,3 fm, staðsettir hlið við hlið. Báðir eru með rafmagnsopnara, vaski og bæði heitu og köldu vatni.
Komin er  hleðslustöð á sameiginlegt bílastæði.

• Einstakt og víðáttumikið útsýni.
• Glæsilegar, yfirbyggðar og lokaðar svalir.
• Fjögur svefnherbergi.
• Tveir rúmgóðir bílskúrar hlið við hlið.
• Bjart og opið alrými.
• Vönduð ítölsk eldhúsinnrétting frá Colombini Casa.
• Rúmgóð sérgeymsla.
• Snyrtilegt fjölbýlishús með lyftu.
• Hleðslustöð á sameiginlegu bílastæði

Frábær staðsetning í Urriðaholti
Staðsetningin er einstaklega góð í fallegu og eftirsóttu hverfi í Urriðaholti. Mosagatan liggur hátt í hverfinu og nýtur eignin því afar góðs útsýnis.
Stutt er í alla helstu þjónustu, skóla, verslanir og fallegar göngu- og útivistarleiðir.
Um er að ræða glæsilega og vel skipulagða eign þar sem björt rými, vandaðar innréttingar, einstakt útsýni og frábær bílastæðaaðstaða fara saman.
Hér gefst einstakt tækifæri til að eignast fallega fjölskylduíbúð á eftirsóttum stað í Urriðaholti. 
Sjón er sögu ríkari !!

Nánari upplýsingar veitir Svala Haraldsdóttir löggiltur fasteignasali í s. 820-9699 / svala@as.is

Ás fasteignasala er rótgróið fyrirtæki sem hefur veitt alla almenna þjónustu í fasteignaviðskiptum frá árinu 1988.
www.facebook.com/asfasteignasala
www.instagram.com/as_fasteignasala
www.as.is