Vatnsendahlíð 113

Hrannar Jónsson, löggiltur fasteignasali og Lifum Heima fasteignasala kynna:

Vel skipulagðan eldri bústað á gróinni lóð með fallegu útsýni og stutt frá vatnsbakka Skorradalsvatns.

Eignin stendur á gróinni og skjólsælli sumarhúsalóð í Vatnsendahlíð, móti suðri, með fallegu útsýni yfir vatnið og fjallahringinn sem umlykur dalinn.

Sumarhúsið var byggt árið 1992, af núverandi eigendum, byggður úr timbri, á steyptum stólpum og er birt stærð 63,1 fm.

Þar af er stakstæð óeinangruð geymsla 9,9 fm.

** BÓKIÐ SKOÐUN **
Hrannar Jónsson, löggiltur fasteignasali / s. 899 0720 / hrannar@lifumheima.is

Nánari lýsing:
Komið er inn í forstofu með fataskáp. Tvö svefnherbergi eru, annað með kojum og hitt með tvíbreiðu rúmi. Baðherbergið er með wc,vaski, sturtuklefa og dúk á gólfi. Alrýmið er opið með eldhús(borðstofu/stofu. Eldhúsið er með innréttingu á einum vegg, efri og neðri skápar, einfaldur ísskápur og frystir, uppþvottavél, eldavél með hellum og vifta. Í borðstofu er gott matarborð fyrir 6 perónur og stofan inniheldur hornsófa, stofuborði , hægindastólum, skenk með sjónvarpi og kamína er til viðbótarkyndingar. Lítið svefn/geymsluloft er yfir hluta hússins.

Úti er verönd á þrjá vegu við húsið, austur/suður/vestur, með fallegu útsýni út á Skorradalsvatn. Á austurverönd er óeinangraður geymsluskúr sem inniheldur ýmislegt, s.s. búnað til veiða í vatninu, rafmagnsmótor með bát og annað smálegt. Einnig fylgir með rafmagns saunaofn sem á eftir að útfæra betur í alvöru sauna. Heitur pottur á verönd er ónýtur skv. eiganda og verður ekki reynt að gera við hann fyrir sölu. 

Húsið er komið að ýmsu viðhaldi, kominn tími að bera á við og sólpalla en virðist þak vera í þokkalegu lagi ennþá. Mögulegum kaupendum er þó bent á að skoða húsið með komandi viðhald í huga, húsið selst eins og það er kynnt.

Lóðin er mjög gróin, stutt er að fara göngustíg niður a vatninu og liggur þar gamall bátur sem fylgir með húsinu í kaupunum, kaupendur skulu kynna sér ástand hans.

Lítill kofi er á lóðinni innan um tréin fyrir börn og fylgir allt innbú (utan perónulegra muna).

Lóðin er 2.457 fm að stærð, gildandi lóðarleigusamningur til 2029 en kaupandi mun fá nýjan samning við landeiganda til 20 ára samhliða kaupunum.

Skorradalur er vinsælt útivistarsvæði þar sem stutt er í fjölbreytta afþreyingu, gönguleiðir, veiði og aðra náttúruupplifun. Eignin hentar jafnt sem sumarhús fyrir fjölskylduna eða sem friðsælt athvarf frá ys og þys daglegs lífs, árið um kring.

Rekstrarkostnaður 2025 var:
Fasteignagjöld = 204.536 kr (gr. maí/júlí/sept/nóv, ca. 51.134 kr per skipti).
Lóðarleiga = 225.000 kr (gr. í maí).
Rafmagnsnotkun = 148.650 kr (ofnar stilltir á 5 gr. yfir veturinn).
Sumarhúsafélag = 23.765 kr.
Sumarhúsa- og brunatrygging = 107.607 kr.

Nánari upplýsingar veita:
Hrannar Jónsson löggiltur fasteignasali / s.899-0720 / hrannar@lifumheima.is
Lifum heima fasteignasala / s.463 3333 / lifumheima@lifumheima.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lifum Heima fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.