Gyðugata 6 og 8

Hafsteinn Þorvaldsson löggiltur fasteignasali, ásamt HÚS fasteignasölu kynna í einkasölu snyrtilegt og vandað 4ra herbergja parhús í byggingu í nýju íbúðarhverfi í Þorlákshöfn.  Um er að ræða bæði húsin, Gyðugata nr 6 og nr 8.  Húsin eru á einni hæð, klædd að utan með vandaðri álklæðningu og járnbára er á þaki sem er hefðbundið niðurtekið kraftsperruþak með valma. Þakkantur er klæddur með 2mm sléttu áli og undir honum er næturlýsing. Húsið er 154,6 fm að stærð, þar af sambyggður bílskúr 28,2 fm.  Hönnun hússins tekur m.a. mið af því að viðhald sé í lágmarki og innra skipulag sett upp með það að markmiði að nýta sem best stærð íbúðar. Húsið er vel staðsett, nálægt nýjum leikskóla.   Lóð verður þökulögð og drenmöl í bílaplani.  Sorpgeymsla er úr forsteyptri einingu.  Húsið selst fokhelt, á byggingarstigi 2 samkv IST 51:2021.  (Hægt er að fá húsið tilbúið til innréttinga og fullbúið)

Nánari lýsing:
Teikningar hússins gera ráð fyrir þrem svefnherbergjum, anddyri, stofu- borðstofu og eldhúsi í opnu rými, gesta salerni,  gangi, baðherbergi, þvottahúsi og bílskúr. Úr anddyri er innangengt í bílskúr.
Húsið er klætt að utan með ljósu áli og bárujárn er á þaki og þakkantur er klæddur með áli. Gluggar eru ál/tré. Hitalagnir eru steyptar í gólfplötu með svæðaskiptum gólfhita. Gert er ráð fyrir heitum potti í garði og ídráttarrör fyrir lagnir til staðar.
Skilalýsing varðandi gólfefni, innréttingar, lýsingu, loftaklæðningu, heimilistæki, blöndunartæki og allt sem tengist húsinu liggur fyrir á skrifstofu fasteignarsölunnar ef áhugi er á að kaupa húsið fullbúið.

Virkilega spennandi eign á fínum stað!  Hægt er að kaupa húsið lengra komið eða fullbúið samkvæmt nánara samkomulagi.

Nánari upplýsingar veita Hafsteinn Þorvaldsson viðskiptafræðingur/löggiltur fasteigna,- og skipasali s. 891-8891, hafsteinn@husfasteign.is

"Okkar fagmennska eru þínir hagsmunir"       
                                                                                                                
 Gjöld sem kaupandi þarf að standa straum að vegna kaupanna.
1. Stimpilgjöld af kaupsamningi - 0,8 % af heildarfasteignamati.   (0,4% fyrstu kaup, 1,6% lögaðilar)
2. Þinglýsingargjald af kaupsamningi, veðskuldabréfi, mögulegu veðleyfi o.fl. kr. 2700 af hverju skjali.
3. Lántökugjald lánastofnunnar, almennt 0.5 - 1.5 % af höfuðstól skuldabréfs, Nánari upplýsingar t.d. á heimasíðum lánastofnanna.
4. Umsýslugjald til fasteignasölu sbr. Kauptilboð