Veghús 31

Virkilega falleg, vönduð og mikið endurnýjuð 70,2 fermetra 2ja herbergja íbúð á 4. hæð með suðaustursvölum og fallegu útsýni í eftirsóttu fjölbýlishúsi við Veghús 31 í Grafarvogi. Í byrjun árs 2025 var sameign hússins tekin í gegn. Öllum gólfteppum skipt út og sameign máluð auk þess sem skipt var um báðar lyftur.

Eignin skiptist í forstofu, stofu, eldhús, svefnherbergi, baðherbergi og geymslu. Eignin er skráð 70,2 m2 skv. HMS.

Nánari lýsing:
Af snyrtilegri teppalagðri sameign með lyftu er gengið inn í íbúðina sem er parketlögð utan baðherbergis/þvottahúss. Forstofueining endurnýjuð árið 2024.
Miðja íbúðarinnar er hol sem tengir öll rými hennar saman.
Eldhús er með hvítri "U" laga innréttingu með viðarborðplötu. Gott geymslupláss í innréttingu og nægt vinnurými í eldhúsi. Á einum vegg nær innréttingin upp í loft. Háfur yfir helluborði, bakaraofn og gert er ráð fyrir uppþvottavél í innréttingu. Eldhús endurnýjað að fullu árið 2020.
Stofan er opin og björt með útgengi út á suðaustursvalir. Útsýni er til Úlfarsfells/dals.
Svefnherbergi er rúmgott með góðum fataskápum sem ná upp í loft. Skúffugrindur í fataskáp og hurðar á fataskáp endurnýjað árið 2022. Rúllugardínur í svefnherbergi endurnýjaðar árið 2023.
Baðherbergi er flísalagt á gólfi og í innbyggðum sturtuklefa með dökkum flísum. Rúmgóð sturta með glerskilrúmi, upphengt salerni, handklæðaofn, handlaug með áfastri skúffueiningu og spegill með ljósi ofan handlaugar. Baðherbergi endurnýjað að fullu árið 2020.
Þvottaaðstaða er inni á baðherbergi með nýrri innréttingu fyrir þvottavél/þurrkara. Þvottaaðstaða endurnýjuð árið 2023.
Öll gólfefni íbúðar, gólflistar og innihurðar endurnýjuð árið 2020.
Geymsla er 3,5 fm og staðsett við hlið íbúðar með veggföstum hillum.
Hjóla- og vagnageymsla er í sameign. Húsvörður er starfandi í húsinu.
Mjög stór lóð er í kringum húsið og aðkoma að húsinu er góð með stóru og miklu bílaplani með miklum fjölda bílastæða.
Göngufæri er í leikskóla, grunnskóla, kaffihús, verslanir, sundlaug, íþróttamiðstöð o.fl.