Stapasíða 15 B

Kasa fasteignir 461-2010.

Stapasíða 15B - Rúmgóð og vel skipulögð 5 herbergja 161,8 fm íbúð í raðhúsi á tveimur hæðum með innbyggðum bílskúr á góðum stað í Síðuhverfi.

Eignin skiptist í forstofu, hol, geymslu, þvottahús, fjögur svefnherbergi, tvö baðherbergi, stofu, eldhús, bílskúr og geymslupláss í sameign. 

Neðri hæð:
Forstofa er flísalögð ásamt holi og gangi inn af forstofu. Gott pláss er undir stiga.
Svefnherbergi á jarðhæðinni eru tvö, bæði með parketi á gólfum. 
Baðherbergi er flísalagt í hólf og gólf, góð innrétting með skúffum og skápum. Sturtuklefi með rennihurðum. Gólfhiti er á baðherberginu.
Þvottahús með ágætri innréttingu með vaski í bekkplötu. Gengið er út á baklóð þar sem er steypt verönd og garður. 
Geymsla er með parketi á gólfum og hillum. Gluggi er á geymslu.
Bílskúr er skráður 22,2 fm af heildar eigninni. Þar er lakkað gólf, skápar og vinnubekkur. Nýleg rafdrifin innkeyrsluhurð.

Efri hæð:
Stigi á milli hæða er parketlagður með timbur handriði.
Eldhús er með nokkuð rúmgóðri innréttingu, flísar milli efri og neðri skápa og pláss fyrir uppþvottavél í innréttingu. Bakaraofn í vinnuhæð. Gott útsýni er frá eldhúsi.
Stofa er með parketi á gólfum, í stofu er aukin lofthæð. Frá stofu er gengið út á svalir til suðurs. 
Baðherbergi er rúmgott, góð innrétting, vegghengt salerni, baðkar, handklæðaofn og opnanlegur gluggi til norðurs. Gólfhiti er á baðherbergi.
Hjónaherbergi er rúmgott með parketi á gólfi og góðum fataskáp.
Barnaherbergi er með parketi á gólfum og skáp.

- Sameign er í kjallara á vestur enda hússins.
- Vinsæl staðsetning rétt við leik og grunnskóla.
- Hitavír í báðum þakrennum.
- Gróinn garður bakvið hús.
- Fasteignamat ársins 2026 er 84.050.000.-

Nánari upplýsingar í síma 461-2010 eða kasa@kasafasteignir.is

------------

Skoðunarskylda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Kasa fasteignir benda væntanlegum kaupendum á að kynna sér vel ástand fasteigna fyrir kauptilboðsgerð og leita til þar til bærra sérfræðinga um nánari skoðun ef þurfa þykir.

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
1. Stimpilgjald sýslumanns af kaupsamningi, fyrstu kaup (0,4%), almenn kaup (0,8%), lögaðilar (1,6%) af heildarfasteignamati eignar.
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
3. Lántökugjald lánastofnunar er skv. verðskrá viðkomandi lánastofnunar. Nánari upplýsingar á t.d. heimasíðu lánastofnana.
4. Umsýslugjald til fasteignasölu skv. kauptilboði.