Esjubraut 2

**BÓKIÐ SKOÐUN**Húsið er sýnt í einkaskoðunum Elín Alfreðsdóttir lgf í síma 8993090 eða elina@valholl.is Glæsilegt einbýlishús í moderniskum stíl með sérlega skjólsælum og fallegum garði og heitum potti. Húsið er að mestu á einni hæð en bílskúr, þvottahús og herbergi með baði eru á neðri hæð. Þar er sér inngangur og möguleiki á leigueiningu. Húsið hefur fengið gott viðhald og glæsilegt sjávar útsýni er úr gluggum að framanverðu, eldhúsi og borðstofu/stofu. Vandaðir gluggar úr harðvið og gólfsíðir gluggar með rennihurð út á trépallpall og í garð frá stofu sem snýr á móti suðri.
Húsið er teiknað af Guðmundi Kr Kristinssyni arkitekt í moderniskum stíl. Eignin skiptist í anddyri með rafmagnsgólfhita, opið hol þar sem svefnherbergisálma er á vinstri hönd en stofa, borðstofa og eldhús á hægri hönd. Innaf stofu er einnig opið herbergi sem er noðað sem skrifstofa. Því herbergi mætti loka ef það hentar að fjölga svefnherbergjum. Á svefnherbergisgangi eru tvö barnaherbergi og rúmgott hjónaherbergi. Baðherbergi með glugga og hol með glugga og sjávarútsýni, en það hol var áður notað sem skrifstofa og herbergið innaf stofu sem sjónvarpsherbergi. Frá holi er stigi niður þar sem eru þvottahús með gluggum og hurð og snyrting með handlaug. Innaf þvottahúsi er unglingaherbergi og úr því er innangent í bílskúr. Innaf bílskúr er búið að stúka af herbergi. Það herbergi er gluggalaust en vel loftræst með hraðastilltum mótor. Þakkantur er koparklæddur. Nýleg bílskúrshurð með rafmagnsmótor. Búið er að leggja vatn og rafmagn í bílskúr og nýlega er búið að seja heitan pott í garðinn ásamt rafmagni og frárennsli. Geymsla undir útitröppum   
*Frárennslislagnir endurnýjaðar alveg innanhúss í PVC 2020
*Nýlegt rafmagn að hluta til og endurnýjuð rafmagnstafla og 2 nýlegar greinatöflur í eldhúsi.
*Nýtt gler að mestu 2020-2022
*Neysluvatnslagnir og ofnalagnir endurnýjaðar. 
*Nýr þakdúkur 2021
Eldhús er frá Alno og steinn á borðum. Boðkrókur með sjávarútsýni. Forstofa með rafmagnsgólfhita og nýlegum skápum. Baðherbergi var endurnýjað 2017 og þar er vönduð innrétting frá Ísleifi Jónssyni. Þvottahús endurnýjað 2021. 
Sérlega fallegt hönnunarhús sem er þess virði að skoða. Gott útsýni og skjólsæll garður. Húsið er að mestu á einni hæð og með allt að 5-6 svefnherbergjum. Hús sem fengið hefur gott viðhald. 
Nánari upplýsingar veitir Elín Alfreðsdóttir löggiltur fasteignasali í síma 899-3090 eða elina@valholl.is