Kópavogsbarð 5

Brynjar Ingólfsson MSc. og löggiltur fasteignasali kynnir: Kópavogsbarð 5 – Afar fallegt og vel skipulagt 266 fm, 6 herbergja parhús á vinsælum stað í Vesturbæ Kópavogs. Húsið er klætt að utan, stendur á fallegri og snyrtilegri lóð og hefur fengið ýmsar endurbætur að undanförnu.

- Fasteignamat 2027 – 181.200.000 kr.
- 5 svefnherbergi
- 4–5 bílastæði á lóð
- Fallegt útsýni af efri hæð
- Gólfhiti og sólarvarnargler í húsinu
- Nýlega yfirfarnir gluggar og lagfæringar gerðar eftir þörfum
- Nýlegar endurbætur á baðherbergi, eldhúsi og efri hæð
- Parket á efri hæð nýlega slípað og lakkað
- LAUS STRAX

Nýlegar endurbætur og viðhald:
Farið hefur verið í ýmsar endurbætur og viðhald á eigninni að undanförnu. Baðherbergi á neðri hæð hefur verið endurbætt að hluta og nýjar flísar lagðar á hluta þess. Í eldhúsi hafa verið lagðar nýjar gólfflísar og unnið að lagfæringum við glugga. Einnig hefur þakgluggi verið lagfærður og gluggar hússins yfirfarnir. Parket á efri hæð hefur verið slípað og lakkað og veggir málaðir. Þá hefur verið pantað nýtt glerhandrið.

Skipting eignar samkvæmt Þjóðskrá Íslands: Íbúðarrými 235 fm og bílskúr 31 fm, samtals 266 fm.

Neðri hæð:
Forstofa er flísalögð með fataskápum og inn af henni er flísalagt hol.
Þrjú svefnherbergi eru á neðri hæð með parketi á gólfum og fataskápar eru í tveimur þeirra.
Baðherbergið er glæsilegt, flísalagt í hólf og gólf með sturtu, baðkari, fallegri innréttingu og innbyggðu salerni. Nýbúið er að flísaleggja hluta baðherbergis.
Þvottahúsið er flísalagt með stórri innréttingu og útgengi á baklóð. Geymsla er inn af þvottahúsi.
Efri hæð:
Stofan og borðstofan eru í opnu og björtu rými með fallegu parketi á gólfi sem nýlega hefur verið slípað og lakkað. Veggir á efri hæð hafa einnig verið málaðir.
Eldhúsið er með fallegri og rúmgóðri Hanak-innréttingu ásamt stórri eldhúseyju með Span-helluborði. Tveir ofnar eru í innréttingunni. Nýlega hafa verið lagðar nýjar flísar á eldhúsgólfið og gert við leka við eldhúsglugga.
Hjónaherbergið er með parketi á gólfi og inn af því eru fataherbergi og baðherbergi með sturtu og innbyggðu salerni.
Herbergi / sjónvarpsherbergi er með parketi á gólfi.
Úr stofu og eldhúsi er útgengt á rúmgóðar 13,6 fm svalir með fallegu útsýni.
Í kjallara er rúmgott geymslurými þar sem gólfhitastýring og inntök eru staðsett.
Bílskúrinn er 31 fm með flísalögðu gólfi, innréttingu og sjálfvirkum hurðaopnara.
Lóðin er virkilega snyrtileg og falleg með góðu aðgengi og bílastæðum fyrir 4–5 bíla.

Nánari upplýsingar gefur Brynjar Ingólfsson MSc., löggiltur fasteignasali, í síma 666 8999 eða á brynjar@remax.is.