Öldugata 17

Heimili fasteignasala kynnir í einkasölu:  Gullfalleg 2ja herbergja íbúð á 2. hæð í litlu fjölbýli við Öldugötu í Reykjavík.  Íbúðin var töluvert endurnýjuð fyrir nokkrum árum. Frábær staðsetning við miðborgina. 

Íbúðin er í húsi þar sem áður voru skrifstofur.  Árið 2004 var notkun hússins breytt í íbúðarhúsnæði. Í þessum breytingum var húsið mikið endurnýjað og í raun byggðar inn í það íbúðir, sem eru því í grunninn frá árinu 2004.
Komið er inn í rúmgott hol með parketi og fataskáp.  Björt og rúmgóð parketlögð stofa og borðstofa, gólfsíður gluggi og útgengi út á svalir í suður. Eldhús með parketi á gólfi og hvítri snyrtilegri innréttingu sem var skipt um 2017. Stórt svefnherbergi með parketi á gólfi. Í sameign eru sérgeymslur íbúðarinnar og sameiginlegt þvottahús.  

Virkilega falleg eign þar sem eldri hönnun fær að njóta sín í bland við nútíma hönnum, m.a. loftlistar og "gamaldags" gólflistar sem gefa íbúðinn fallegan sjarma.  Einstök staðsetning í rótgrónu hverfi þar sem miðborgin er í þægilegu göngufæri. Hér má njóta kyrrðar Vesturbæjarins en um leið alls þess sem miðborg Reykjavíkur hefur upp á að bjóða. Stutt er að Tjörninni, Austurvelli, gömlu höfninni og Granda og fjölbreytt úrval veitingastaða, kaffihúsa, verslana og menningar er í næsta nágrenni.

Allar frekari upplýsingar veitir Finnbogi Hilmarsson fasteignasali, finnbogi@heimili.is 

Heimili fasteignasala og Landmark fasteignamiðlun eru að sameinast – ný fasteignasala tekur til starfa í haust. Með samruna verður til fasteigasala sem býr yfir breiðari þekkingu, mikilli reynslu, sterkum innviðum og getu til að mæta síbreytilegum þörfum markaðarins.  

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.