Húnabraut 29

Domus fasteignasala kynnir til sölu húsnæði Trésmiðjunnar Stíganda að Húnabraut 29 á Blönduósi. Um er að ræða 902,1 m² iðnaðarhúsnæði á 3.400 m² iðnaðar- og athafnalóð. Í húsinu eru tveir samliggjandi vinnusalir, hvor með sína innkeyrsluhurð, auk sprautuklefa, lagerrýma, skrifstofa og rúmgóðrar kaffistofu í risi. Á baklóðinni er gott athafnarými fyrir efnisgeymslu, lestun og losun.

Vélar og tæki geta fylgt með í kaupunum samkvæmt nánara samkomulagi við seljanda.

Verkstæði og lager

Vélasalurinn er opinn upp í mæni með sýnilegum stálbitum og steyptu gólfi. Þar er gott rými fyrir stórar trésmíðavélar og vinnuborð. Spónsogslagnir liggja eftir salnum með tengingum niður að vinnustöðvum. Á gafli er innkeyrsluhurð sem opnast út á athafnasvæðið aftan við húsið.

Úr vélasalnum er gengið beint inn í samsetningarsal sem nýttur hefur verið til innréttingasmíði. Þar er timburgólf að stórum hluta. Salurinn hefur eigin innkeyrsluhurð og má því flytja fullsamsettar innréttingar beint út. Í húsinu er sérstakt rými fyrir sprautun og þurrkun, geymslur fyrir plötuefni og timbur og lager fyrir verkfæri, festingar og smávöru.

Skrifstofur og starfsmannaaðstaða

Tvær bjartar skrifstofur liggja hlið við hlið. Gengið er inn í hvora þeirra af gangi og rennihurð er á milli. Þriðja skrifstofan er við samsetningarsalinn með glugga inn á vinnusvæðið. Í húsinu eru einnig skjalageymsla, salerni og sturtuaðstaða.

Úr flísalögðu anddyri liggur stigi upp í ris. Þar er rúmgóð kaffistofa með viðarklæddu lofti, glugga á gafli og eldhúsinnréttingu með vaski. Gott pláss er fyrir langborð. Handan stigapallsins er geymsluloft sem nýtt hefur verið fyrir timbur og lista.

Lóð og aðkoma
Tveir inngangar snúa að Húnabraut og malbikað er framan við húsið. Á baklóðinni er rúmgott, að hluta afgirt athafnasvæði. Þar er hægt að aka beint að innkeyrsluhurð vélasalarins til lestunar og losunar. Einnig er pláss fyrir efni og tengivagna.

Byggingarár og skráning

Samkvæmt fasteignaskrá skiptist húsnæðið í þrjá hluta. Elsti hlutinn er 373,5 m² frá 1948, annar hluti er 178,6 m² frá 1954 og sá þriðji er 350,0 m² trésmíðaverkstæði frá 1977. Lóðin er í eigu Húnabyggðar. Á hluta útveggja og í loftaklæðningu einstakra geymslurýma sjást skemmdir.

Upplýsingar veita Friðrik Halldór Brynjólfsson löggiltur fasteignasali s 662-8034 domus@domus.is,  Stefán Ólafsson hrl. löggiltur fasteignasali s 891-9425 sol@domus.is og Sigurður Pétur Stefánsson s 698-6971 siggi@domus.is

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Domus Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýslugjald kaupanda kr. 71.920 kr.
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á.