Granaskjól 13

Trausti fasteignasala og Hallgrímur Hólmsteinsson löggiltur fasteignasali kynna í einkasölu Granaskjól 13, gullfallega og mikið endurnýjaða 3ja herbergja íbúð með sérinngangi á jarðhæð/kjallara. 
Íbúðin skiptist í forstofu, gang, tvö rúmgóð svefnherbergi, stofu, eldhús, baðherbergi og þvottahús/geymslu. Köld geymsla er við hlið inngangsins inn í íbúðina. Frábær fyrstu kaup í góðu og vinsælu hverfi fyrir litla fjölskyldu, örstutt frá Háskólanum og miðborginni. Allar nánari upplýsingar veitir Hallgrímur Hólmsteinsson lgfs í síma 896-6020 eða á tölvupóstfanginu hallgrimur@trausti.is. 

Íbúðin er 73,5 fm samkvæmt skráningu hjá HMS.

Nánari lýsing eignar: 
Sérinngangur er inn í íbúðina. 
Komið er inn á anddyri og þaðan inn á harðparketlagða stofu og borðsofu.
Á hægri hönd frá anddyri er baðherbergi sem er flísalagt í hólf og gólf með upphengdu salerni og baðkari með sturtuaðstöðu. Baðherbergið er nýlega endurnýjað.
Á vinstri hönd frá anddyri er rúmgott svefnherbergi með fataskáp, harðparket á gólfi. 
Inn af stofunni er eldhús með snyrtilegri hvítri innréttingu og harðparketi á gólfi.
Við hlið eldhússins er svefnherbergi sem er ágætlega rúmgott og með harðparketi á gólfi. 
Þvottahús og geymsla er innan íbúðarinnar. 
Köld útigeymsla er við hliðina á innganginum sem tilheyrir íbúðinni.
Sameiginleg lóð, vel gróinn og snyrtilegur garður er við húsið og hefur íbúðin sérafnotareit á henni. 

Þak hússins var yfirfarið og málað 2022 og tröppur upp á efri hæð múraðar og þéttar.  

Hér er frábær eign á ferðinni fyrir fyrstu kaupendur í grónu og vinsælu hverfi þar sem stutt er í alla þjónustu, skóla og leikskóla. Sjón er sögu ríkari, bókið skoðun hjá Hallgrími Hólmsteinssyni í síma 896-6020 eða með tölvupósti á hallgrimur@trausti.is.