Háholt 1

Valborg ehf kynnir: Sérlega fallegt 330 fm. einbýlishús  með tvöföldum bílskúr og glæsilegu útsýni við Háholt 1, í 210 Garðabæ. Arkitektúr hússins er fallegur og form innandyra eru mörg óregluleg sem gefur húsinu bæði sérstakan stíl og mjög fallegt útlit. Fallegur gróinn garður og rólegt umhverfi.  Hornhús í efstu götu í Hnoðraholtinu. Opið hús verður í eigninni laugardaginn 19.10. kl. 13:00-13:30

Nánari upplýsingar veitir:
Elvar Guðjónsson, viðskfr og lögg fasteignasali í síma 8954000, tölvupóstur elvar@valborgfs.is.

NÁNARI LÝSING:

Húsið er á þremur hæðum. Jarðhæð er 133 fm., miðhæðin er 110 fm. ásamt  47 fm. bílskúr og efri  hæð,  sem opin er að hluta niður í  hol og stofurúmi er 40 fm.
Gengið  er inn í hol  á miðhæð hússins um  flísalagða forstofu. Úr forstofu er gengið um lítinn gang inn í tvöfaldan 47 fm. bílskúr og er gestasnyrting á ganginum.  Hol leiðir annars vegar inn í eldhús með upprunalegum innréttingum  og  inn í rúmgóða  borðstofu með stórum suður og vestur gluggum. Gengið er út á stórar svalir úr borðstofu. Mikið útsýni eins og áður segir, til suðurs og vesturs. Síðan er gengið úr holi niður þrep í stóra og bjarta stofu með  fallegum arni. Frábært útsýni til vesturs og norðurs um stóra  og bjarta stofuglugga. 
Mikil lofthæð er á hæðinni. Beykiparket er á gólfum í stofu og viðarklæðning í lofti.
Gegnheill tréstigi úr beyki liggur niður á jarðhæð. Þar er komið niður á pall / hol sem leiðir inn í aðrar vistarverur.  3 svefnherbergi eru á hæðinni og stórir fataskápar í holi ásamt góðu fataherbergi og sjónvarpsherbergi  sem er  með útgengi á verönd.í garði. Gengið er af verönd inn í góða útigeymslu sem nýta má fyrir garðtæki og  útihúsgögn. Stórt baðherbergi með baðkari og sturtu er á hæðinni sem  hefur allt verið endurnýjað. Úr holi er einnig gengið inn í stórt herbergi / rými  með mikilli lofthæð og gluggum, sem nýta má sem svefnherbergi, tómstundaherbergi eða geymslu. Þá eru þvottahús og geymsla á jarðhæð.     Á efri stigapalli er rúmgott svefnherbergi  sem er undir súð að hluta og á palli fyrir framan er gott svæði sem hægt er að nýta á ýmsa vegu s.s. leiksvæði, æfingahorn eða sá setustofu...    
Tvöfaldur 47 fm. bílskúr 
GÓLFEFNI: Beykiparket á flestum ýmum hússins og gegnheill beykistigi liggur milli hæða. Flísar eru á  gestasnyrtingu, baðherbergi, forstofu og gangi að bílskúr.  Teppi á efri stigapalli.
Gróinn og fallegur garður umlykur húsið.

Skv upplýsingum frá seljanda þá var skipt um þak á láréttum flötum þaksins fyrir innan við tíu árum síðan og einnig var alveg nýtt snjóbræðslukerfi sett undir innkeyrslu fyrir framan bílskúr á svipuðum tíma.
Húsið stendur í næsta nágrenni við nýtt íþróttahús Garðabæjar og golfvöll GKG og er hverfið allt í mikilli uppbyggingu.

Eignin Háholt 1 er skráð sem hér segir hjá FMR: Eign 207-0301, birt stærð 330.0 fm.



Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.  Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.