Lynghagi 8

Betri Stofan Fasteignasala og Þórir Skarphéðinsson lögmaður og lögg. fasteignasali kynna: 

Glæsileg og mikið endurnýjuð 72,8 fm eign á efstu hæð á Lynghaga 8, 107 Reykjavík. Eignin skiptist í forstofu, gang, tvö svefnherbergi,  bjarta stofu/borðstofu með einstöku útsýni í suður/suð-vestur, svalir úr stofu í vestur, eldhús,  baðherbergi og geymslu. Frábær staðsetning í Vesturbænum í grennd við fjölbreytta þjónustu, skóla á öllum stigum og falleg útivistarsvæði við sjávarsíðuna. Grænt svæði með leiktækjum og sparkvelli er aðgengilegt frá bakhlið hússins. Bókið skoðun: Þórir Skarphéðinsson lögmaður og lögg. fasteignasali, í síma 8449591, tölvupóstur thorir@betristofan.is

Nánari lýsing:
Gengið er upp snyrtilegan stigagang inn á stigapall. Af stigapalli er annars vegar gengið inn í rúmgóða geymslu sem í dag er einnig nýtt sem þvottahús, en býður upp á marga möguleika. Hins vegar er gengið inn í íbúðina þar sem fallegt hol tekur á móti manni og gangur sem tengir allar vistarverur íbúðar. Á hægri hönd er björt og falleg stofa/borðstofa í opnu rými, stórir gluggar sem snúa í suður, með útsýni yfir fjallahringinn á Reykjanesi og sundin blá, og svalir í vestur út frá stofu. Hinum megin við gang er eldhús með ljósri innréttingu. Því næst tekur við fallegt, endurnýjað baðherbergi með sturtu og baðkari, flísar og náttúrusteinn á gólfi og veggjum. Innst á gangi er annars vegar rúmgott hjónaherbergi með góðum skápum og hins vegar barnaherbergi með skáp. 
Eikarparket á gólfum eignar. Sameiginlegt þvottahús og þurrkherbergi á jarðhæð.

Samkvæmt upplýsingum seljanda er búið að endurnýja eignina mikið á undanförnum árum:

2021: Baðherbergi endurnýjað, stammi jafnframt endurnýjaður
2020-2021: Þak endurnýjað og jafnframt allir gluggar íbúðar    
2019: Dren endurnýjað
2014: Hús endursteinað á suður-, austur- og vesturhlið
 
Nánari upplýsingar veitir Þórir Skarphéðinsson lögmaður og löggiltur fasteignasali, í síma 8449591, tölvupóstur thorir@betristofan.is.