Dalsel 31

Falleg og vel skipulögð 4 herbergja íbúð á fyrstu hæð með suðvestursvölum, uppfærðu eldhúsi, þremur svefnherbergjum og sérmerktu bílastæði í bílakjallara.

Um er að ræða bjarta og vel nýtta eign, samtals 97,7 fm samkvæmt Fasteignaskrá Íslands, þar af 91,0 fm íbúð og 6,7 fm sérgeymsla. 

Íbúðin er staðsett á fyrstu hæð í snyrtilegu fjölbýli í rólegu og góðu hverfi þar sem stutt er í helstu þjónustur. 

Árið 2024 var íbúðin endurbætt með nýju parketi, nýjum innihurðum og skipt um alla ofna nema handklæðaofn inn á baðherberginu. Eldhúsið var jafnframt uppfært með nýjum borðplötum, vaski, helluborði og ofni, auk þess sem skipulagi var breytt til að bæta rýmisnýtingu og skapa þrjú góð svefnherbergi. Útkoman er heimili sem nýtir hvern fermetra vel og hentar jafnt fjölskyldum, pörum og þeim sem vilja hafa skrifstofu eða gestaherbergi.

Rúmgóð og björt stofa opnast út á góðar suðvestursvalir, þar sem notalegt er að njóta síðdegis- og kvöldsólar. Með eigninni fylgir sérmerkt upphitað bílastæði í lokuðum bílakjallara, sem veitir aukin þægindi og öryggi allt árið um kring. Leiksvæði er á sameiginlegu útisvæði fyrir framan húsin og skapar skemmtilegt umhverfi fyrir börn og fjölskyldur. Hér er um að ræða vel skipulagt og hlýlegt heimili á eftirsóttum stað þar sem rólegt umhverfi og góð aðstaða fara vel saman.