Sæviðarsund 34

LANDMARK fasteignamiðlun og Sveinn Eyland, lögg. fasteignasali s: 690 0820 / sveinn@landmark.is kynna:
Um er að ræða stórglæsilegt 181 fm endaraðhús á einni hæð, teiknað af Kjartani Sveinssyni, á rólegum stað í Sæviðarsundi í nágrenni við Laugardalinn.
Garðurinn er fallega gróinn, og afgirtur að hluta, með skjólgóðri suður verönd, heitum potti og útisturtu.
Eignin hefur verið töluvert mikið endurnýjuð á síðustu árum og hefur það verið gert á vandaðan hátt.  
Stutt er í alla helstu þjónustu, leikskóla, grunnskóla, verslanir, stofnbrautir og góðar samgönguleiðir.

Birtar stærðir skv. Þjóðskrá Íslands:
Húsnæðið er 157.6 fm og innbyggður bílskúr 23.5 fm samtals 181.1 fm að stærð. 

Nánari upplýsingar um eign:
Sveinn Eyland lögg. fasteignasali s. 690 0820 eða sveinn@landmark.is

FÁÐU SÖLUYFIRLIT YFIR EIGN STRAX HÉR.

Eignin skiptist í:
Forstofu, miðjurými, eldhús, stofu, borðstofu, þrjú svefnherbergi, aðal baðherbergi, gestabaðherbergi, þvottaherbergi og innbyggðan bílskúr.
Glæsileg afgirt verönd er við suðurhlið hússins með heitum potti og útisturtu.

Nánari lýsing á eign:
Komið er inn í flísalagða forstofu með innbyggðum fataskáp. Til hliðar við forstofu er gestabaðherbergi með flísum á gólfi og veggjum, handklæðaofn á vegg.
Rúmgott svefnherbergi með fataskáp er einnig til hliðar við forstofu.
Úr forstofu er gengið inn í bjart miðjurými með mikilli lofthæð og skemmtilegum þakgluggum sem gefa fallega birtu inn í rýmið.
Í miðjurými er stór og veglegur arinn og sérsmíðaðar bókahillur með innfelldum rennihurðum sem aðskilja miðjurými frá stofu og eldhúsi. Tengt miðjurými eru tvö svefnherbergi og aðal baðherbergi.
Eldhús, stofa og borðstofa renna saman í opið, rúmgott og bjart rými með gluggum á þrjá vegu. Eldhús er með snyrtilegri ljósri ALNO eldhúsinnréttingu með mjög góðu skápaplássi. Flísar eru á vegg milli efri og neðri skápa, steinn í borðplötu og innfelldur vaskur. Bakaraofn frá Miele, gashelluborð, innbyggð uppþvottavél (í vinnuhæð) frá AEG og tvöfaldur kæli- og frystiskápur frá GE. Við eldhús er flísalagður borðkrókur sem rammar rýmið skemmtilega inn.
Inn af eldhúsi er þvottaherbergi með ágætis innréttingu og útgengi til norðurs.
Vegleg sérsmíðuð skápaeining skilur að stofu frá borðstofu og eru gler rennihurðir í borðstofu sem opnast í suðurgarð með stórri verönd. Á verönd er falleg lýsing, heitur pottur og útisturta.
Hjónaherbergi er rúmgott með góðum fataskápum og útgengi á verönd. Mjög rúmgott svefnherbergi með fataskáp er við hlið hjónaherbergis (var upprunalega tvö svefnherbergi og möguleiki að færa í fyrra horf).
Aðal baðherbergi er með flísum á gólfi og veggjum og er innangengt í sturtu með glervegg frá gólfi upp í loft. Innrétting er frá HTH og eru speglaskápar á vegg, steinn í borðplötu og innfeldur vaskur, upphengt salerni og handklæðaofn.
Gólfefni: Brasilískur harðviður lagður í fiskibeinamynstri og flísar. Gólfhiti er á aðal baðherbergi og í borðstofu.
Vönduð innfelld lýsing í húsi. 

Bílskúr er innbyggður með rafdrifinni hurð og er snjóbræðsla í stóru hellulögðu plani framan við hús. 
Eignin hefur fengið mjög gott viðhald og endurnýjun hjá núverandi eigendum og má nálgast ítarlegan lista varðandi endurbætur hjá fasteignasala.
 
-Vegna mikillar sölu undanfarið þá vantar mig allar tegundir eigna á skrá.
-Hafðu samband og ég kem og met eignina þína þér að kostnaðarlausu.
-Sveinn Eyland lögg.fasteignasali s: 6900.820 eða sveinn@landmark.is
 

Skoðunar- og aðgæsluskylda:
Lög um fasteignakaup nr. 40/2002 kveða á um að kaupendur þurfi að skoða fasteignir vel áður en tilboð er gert. LANDMARK fasteignamiðlun ráðleggur kaupendum að skoða ástand eignar og leita sér aðstoðar sérfræðinga ef þörf er á nánari skoðun.

Söluyfirlit:
Söluyfirlit er gert af fasteignasala samkvæmt lögum nr. 70/2015. Upplýsingar í yfirlitinu eru fengnar úr opinberum skrám, frá seljanda og ef þarf frá húsfélagi. Fasteignasali sannreynir upplýsingar með skoðun á eigninni en getur ekki sannreynt ástand þess sem ekki er aðgengilegt eða sýnilegt, t.d. lagnir, dren, skólp og þak.

Gjöld sem kaupandi þarf að greiða:
1. Stimpilgjald: 0,8% af fasteignamati (0,4% fyrir fyrstu kaup) og 1,6% fyrir lögaðila.
2. Þinglýsingargjald: 3.800 kr. fyrir hvert skjal.
3. Lántökugjald: Fer eftir gjaldskrá lánveitanda.
3. Þjónustugjald kaupanda: 79.000 kr. m/vsk.
3. Skipulagsgjald: Ef um nýbyggingu er að ræða, 0,3% af brunabótamáti þegar það er lagt á.

Heimasíða LANDMARK
Pantaðu frítt söluverðmat