Háaleitisbraut 109

Jason Kristinn Ólafsson, löggiltur fasteignasali (s. 775-1515 / jason@betristofan.is), kynnir: Falleg, björt og vel skipulögð 105,4 m² 4ra herbergja íbúð á 1. hæð við Háaleitisbraut 109.
Húsið Háaleitisbraut 109–111 var teiknað af Sigvalda Thordarson og er eitt af síðustu húsunum sem hann hannaði. Stigagangurinn er hringlaga og hönnunarperla, en einungis eru örfáar tröppur upp í íbúðina.

Íbúðin skiptist í rúmgott stofurými (stofa og borðstofa) með nýpússuðu parketi og útgengi á stórar suðursvalir, svefnálmu með þremur svefnherbergjum, baðherbergi og sér þvottahúsi. Íbúðin er skráð 105,4 m², þar af er sérgeymsla á jarðhæð 5,4 m².
Staðsetningin er frábær og fjölskylduvæn. Álftamýrarskóli og tveir leikskólar eru innan hverfis, auk þess sem stutt er í öflugt íþróttastarf Víkings í Safamýri. Leikvöllur og fótboltavöllur eru fyrir aftan húsið. Verslunarmiðstöðin Miðbær er í næsta nágrenni (meðal annars Mosfellsbakarí og ísbúð) og stutt er í Kringluna, Skeifuna og Laugardal. Góðar samgöngur eru á svæðinu.

NÁNARI LÝSING:
Inngangur / Hol: Komið er inn í hol með fataskáp.
Eldhús: Ljós innrétting, gluggi og flotað gólfefni.
Stofa og borðstofa: Bjart og stórt opið rými með miklum gluggum, parketi á gólfi og ljósum viðarpanil í lofti. Útgengt er á stórar svalir sem ná meðfram allri suðurhlið íbúðarinnar.
Svefnherbergi: Þrjú svefnherbergi. Hjónaherbergi er með innbyggðum skáp og sérstöku fataherbergi. Barnaherbergin eru tvö, annað þeirra mjög rúmgott.
Baðherbergi: Ljósar flísar, baðkar með sturtuhausi.
Þvottahús: Endurnýjað innan íbúðar, flísalagt og með tengi fyrir bæði þvottavél og þurrkara.
Geymslur & sameign: Sérgeymsla er í kjallara ásamt geymsluskáp rétt fyrir innan inngang blokkarinnar. Í sameign eru tvær hjólageymslur (gengið inn í aðra úr anddyri en hina frá garðinum).
ENDURBÆTUR OG VIÐHALD:
Séreign:
2022: Ný eldvarnarhurð sett í inngang íbúðar.
2021: Gler í stofu endurnýjað (sólvarnargler frá Íspan, fyrir utan svalahurð og opnanleg fög) og svalir filtaðar.
2020: Þvottahús tekið í gegn.
Rafmagn hefur verið endurnýjað að mestu leyti.
Sameign:
2025: Múrviðgerðir á austurhlið hússins, klæðning tekin af og málað í upprunalegum Sigvaldalitum.
2021: Allir gluggar í svefnherbergjum og eldhúsi endurnýjaðir. Norðurhlið hússins máluð og nýr dyrasími settur upp.
2011–2012: Stórt viðhald á blokkinni: Múr- og sprunguviðgerðir, gert við ryðgað bita- og steypujárn, svalagólf löguð og sílanborin, húsið málað og bílskúrshurðir hreinsaðar og málaðar.
Húsið hefur hlotið gott og reglulegt viðhald gegnum árin.
Nánari upplýsingar veitir: Jason Kristinn Ólafsson, löggiltur fasteignasali
Sími: 775-1515 | Netfang: jason@betristofan.is