Miðás 22M

BYR fasteignsala kynnir í einkasölu Miðás 22 M iðnaðarbil með millilofti á Egilsstöðum. Ýtið hér fyrir staðsetningu. 
Birt stærð eignar er 149,6 m² samkvæmt skráningu HMS. Miðás 22 er iðnaðarhúsnæði á einni hæð sem er skipt niður í 24 bil. Húsið stendur í iðnaðarhverfi á Egilsstöðum. 
Skipulag eignar: Vinnusalur, geymsla, salerni og kaffiaðstaða. Milliloft: gangur, tvö opin rými, tvö geymslurými og baðherbergi. 
Möguleiki er á að fá eignina leigða. 

Húsið er stálgrindarhús á steyptum undirstöðum grátt að lit með bláu þaki. Gluggar eru plastgluggar með K-gleri, gönguhurðar úr áli. Litur glugga og hurða er hvítur. Frágangur á lóð, möl í plani við húsið, er sléttuð og þjöppuð í hæð undir steypu. 
Lóðin er sameiginleg 4678,0 m² iðnaðar- og athafnalóð í eigu Múlaþings. Bílastæði eru á sérafnotafleti eignar. Hver séreign hefur sérafnotahluta lóðar sem afmarkast með línu sem er dreginn er hornrétt út frá skilveggjum séreigna út að lóðamörkum.
Gólfplata er máluð, eitt niðurfall í gólfi. Gert er ráð fyrir niðurfalli fyrir utan bilið. Olíugildrur eru á sitthvorri regnvatnslögninni frá húsinu. 

Vinnusalur með hárri innkeyrsluhurð. Gönguhurðir eru til beggja hliða við innkeyrsluhurð. Aftan við vinnusal er afstúkuð verkfærageymsla með hillum ásamt salerni og kaffiaðstöðu með innréttingu. 
Timburstigi liggur frá sal upp á milliloft. Á millilofti eru tvö opin rými ásamt tveimur afstúkuðum rýmum og óinnréttaðri baðaðstöðu þar sem búið er að koma fyrir lögnum og kassa fyrir vegghengt salerni. 

Skráning eignarinnar hjá HMS:
Stærð: Iðnaður 149,6 m².
Brunabótamat: 48.600.000 kr.
Fasteignamat: 28.950.000 kr. 
Byggingarár: 2021
Byggingarefni: Stál

Áhvílandi virðisaukaskattskvöð er á eigninni og miðast söluverð eignar við yfirtöku kaupanda á virðisaukaskattskvöð.
Kaupandi yfirtekur virðisaukaskattskvöð þ.e. leiðréttingarskylda vegna eftirstöðva tímabils samkvæmt 14. gr. reglugerðar nr. 192/1993, að u.þ.b. fjárhæð kr. 3.400.000,-.  
Áhvílandi vsk kvöð er yfirtekin af kaupanda eða greidd upp og aflétt af hálfu seljanda. 

Lóðarleigusamningur til 50 ára frá 18.04.2018 frá Múlaþingi.