Egilsbraut 7 - NESBÆR

Byr fasteignasala kynnir í einkasölu Egilsbraut 7, 740 Neskaupstaður.  NESBÆR kaffihús, matsölustaður og verslun. Húsnæði og rekstur ásamt öllu innbúi.  
Nesbær er rótgróinn rekstur á góðum stað sem starfað hefur í yfir 25 ár. Smellið hér fyrir staðsetningu. 
Húsið er timburhús byggt 1907. Eignin er skráð kaffistofa stærð 150.2 m² samkvæmt skráningu HMS.
Skipulag eignar: kaffihús/verslun, eldhús, lager, skrifstofa og þrjár snyrtingar.

Nánari lýsing: 
Tveir inngangar, annar á vesturhlið við útisvæði, hinn að sunnan verðu við gangstétt.  
Kaffihús/verslun, opið rými sem skiptist í verslunarhluta og veitingahluta.Veglegt afgreiðsluborð liggur í gegnum rýmið, möguleiki á að afgreiða á báðum svæðum. Hillur eru á bakvið afgreiðsluborð. 
Aftan við afgreiðsluborð er farið inn í eldhús, á lager, skrifstofu og starfsmannasnyrtingu. 
Kaffihús tekur 30-35 manns í sæti er setið er til borðs. Innbyggðir glerskápar fyrir bakkelsi, kökuskápur og goskælir. 
Verslununin selur í dag meðal annars gjafavörur, garn og blóm Blómakælir stendur í verslunarhluta. 
Eldhús er vel búið með öllum helstu tækjum, svo sem helluborði, ofnum, ískápum og uppþvottavél.  
Þrjár snyrtingar, tvær rúmgóð almennings snyrtingar og ein starfsmanna snyrting.
Útisvæði, vestan við húsið er stórt malbikað plan, hefur verið nýtt sem útisvæði frá kaffihúsi, þar eru fjögur stór borð og útistólar, sæti fyrir allt að 20 manns.
Svæðið nýtist einnig sem bílastæði fyrir tvær bifreiðar. Hellulögð gangstétt er sunnan við húsið ásamt bílastæðum fyrir 2-3 bifreiðar.

Húsið skráð timburhús, byggingarár 1905, tvær hæðir og þakrými. Húsið er klætt að utan bárustáli og plastpanil, tvíhalla þak. Malbikað útisvæði er vestan við húsið. Hellulagt er að framanverðu við húsið. 
Bílastæði við húsið eru malbikuð sameiginleg, eitt merkt stæði er fyrir hreyfihamlaða. Lóðin er sameiginleg leigulóð frá Fjarðabyggð.