Lundur 1

Nýtt á skrá! Lundur 1 - Rúmgóð 3ja herb. íbúð með stórum svölum til suðurs (15,8 fm) með svalalokun og sérstæði í bílakjallara.

Lind fasteignasala / Heimir Hallgrímsson lögg. fasteignasali kynna til afar fallega íbúð í vönduðu húsi byggðu af BYGG við Lund 1 í Kópavogi. Um er að ræða 120,4 fermetra íbúð í lyftuhúsi (2 lyftur) á 2. hæð með 2 svefnherbergjum (hjónaherbergi með fataherbergi inn af), rúmgóðri stofu með gólfsíðum gluggum, fallegu eldhúsi með eyju sem er opið við stofu, sjónvarpsstofu, stórum yfirbyggðum svölum til suðurs, baðherbergi með sturtu og baðkari og góðu þvottaherbergi. Gólfhiti í allri íbúðinni. Sérgeymsla í kjallara sem er 7,2 fermetrar og sérmerkt stæði í bílakjallara. 

Sameign hússins er afar snyrtileg með flísum á ytra anddyri og teppum á sameign. Tvær lyftur eru í húsinu sem ganga niður í bílakjallara. Rafmagnshurðaropnun er á aðalhurðum í sameign. Sameiginlegar svalir á hæðinni til norðurs. Myndavéladyrasími er í húsinu. Þvottastæði í bílakjallara. Lóðin er snyrtileg og frágengin með hellulagðri stétt fyrir framan hús með snjóbræðslu og sameiginlegum malbikuðum stæðum. 

Við hönnun hússins var haft að leiðarljósi að hafa íbúðirnar bjartar og rúmgóðar með stórum gluggum sem ná niður í gólf og hita í gólfum. Íbúðirnar eru vandaðar og í þeim eru íslenskar innréttingar frá Brúnás og innbyggðum blöndunartækjum á baðherbergjum. Húsið eru álklædd og eru því viðhaldslítil. Stutt er í Fossvoginn með sinni einstöku fegurð, Öskjuhlíðin og rómaðar gönguleiðir tengja Lundinn saman á þann hátt að gott jafnvægi er á milli byggðar og náttúru. Hverfið er byggt upp með sex kjörnum og stórum grænum svæðum sem flæða á milli þeirra. Stutt er í margvíslega þjónustu og afþreyingu. Smáralindin, Kringlan svo ekki sé minnst á menningarlífið í Gjánni, s.s. Salinn og Gerðarsafn er steinsnar frá Lundi.

Nánari lýsing:
Forstofa: Með flísum á gólfi og innbyggðum skápum. 
Þvottaherbergi: Með flísum á gólfi, vaski, tengi fyrir þvottavél/þurrkara og útloftun.
Stofa: Er rúmgóð, með parketi á gólfi og stórum gólfsíðum gluggum til austurs og suðurs sem gerir hana virkilega bjarta. Stofa rúmar vel setustofu og borðstofu. Útgengi á svalir frá stofu.
Svalir: Eru stórar (15,8 fm) og snúa til suðurs. Yfirbyggðar með opnanlegri svalalokun og flísum á svalagólfi.
Eldhús: Með parketi á gólfi og fallegri eikar eldhúsinnréttingu frá Brúnás. Fallegur steinn á borðum. Eldhús er með eyju (skúffum og skápum beggja vegna) og opið við stofu. Stál AEG bakaraofn, AEG örbylgjuofn, AEG spansuðu helluborð, stál háfur og tengi fyrir uppþvottavél. Flísar á milli skápa og gluggi til austurs.
Hjónaherbergi: Með parketi á gólfi, stórum gólfsíðum gluggum til suðurs, útgengi á svalir og fataherbergi.
Fataherbergi: Með parketi á gólfi og góðum innréttingum.
Svefnherbergi: Með parketi á gólfi, góðum skápum og glugga til austurs.
Baðherbergi: Með flísum á gólfi og á veggjum, hornbaðkari og flísalagðri sturtu með innbyggðum blöndunartækjum. Falleg innrétting við vask, upphengt salerni, handklæðaofn og útloftun.
Sjónvarpsstofa: Með parketi á gólfi.

Sérmerkt bílastæði: Er vel staðsett í bílakjallara (B45).
Sérgeymsla: Í kjallara er 7,2 fermetrar að stærð.

Nánari upplýsingar:
Bókið skoðun hjá Heimi Hallgrímssyni lögg. fasteignasala í síma 849-0672 eða á netfanginu heimir@fastlind.is