Hverfisgata 92

Betri Stofan og Jason Ólafsson í síma 7751515 kynna til sölu stórglæsilega 3ja herbergja "penthouse" íbúð með aukinni lofthæð, gólfhita, sérsmíðuðum innréttingum auk sér bílastæðis (B09) í lokuðum og upphituðum bílakjallara í nýlegu og vönduðu fjölbýlishúsi með lyftu við Hverfisgötu 92A í Reykjavík. Svalir til vesturs eru útaf stofu. Aðeins tvær íbúðir eru á hæðinni. 

Lýsing eignar:
Forstofa, mjög rúmgóð, parketlögð og með stórum fataskápum.
Gangur, parketlagður.
Barnaherbergi, rúmgott, parketlagt og með fataskápum.
Hjónaherbergi, mjög rúmgott, parketlagt og með stórum fataskápum.
Baðherbergi, flísalagt gólf og veggir, innrétting með kvartsteini á borðum, flísalögð sturta með sturtugleri, handklæðaofn og góðar innréttingar með stæðum fyrir þvottavél og þurrkara í vinnuhæð.
Eldhús, opið við stofu, parketlagt og með mjög fallegum sérsmíðuðum innréttinum með innbyggðum ísskáp með frysti. Eyja með helluborði og hangandi háfi og góðum hirslum. Silestone kvartsteinn er á borðum innréttingar og eyju og vönduð tæki eru í eldhúsi, þ.m.t. uppþvottavél.  
Borðstofa við eldhús er parketlögð með gólfsíðum gluggum og með útgengi á svalir til vesturs. 
Setustofa, parketlögð og rúmgóð með gólfsíðum gluggum.

Í kjallara hússins eru: Sér bílastæði í lokaðri og upphitaðri bílageymslu merkt B97 þar sem komið er möguleiki að bæta við rafhleðslustöð. Stæðið er vel staðsett og mjög stórt. Einungis nokkur skref eru frá stæðinu að lyftu 
Sérgeymsla, sem er 7,7 fermetrar að stærð og er með aukinni lofthæð.
Sameiginleg hjóla- og vagnageymsla.

Húsin: Hverfisgata 92 er 24 íbúða bygging í þremur stigahúsum og skiptist í A, B og C hús. Á milli húsanna er skjólgóður inngarður sem er opinn á móti og suðri og vestri. Batteríið Arkitektar sáu um hönnun hússins. Gamli stíllinn sem einkennir miðbæinn hefur fengið að halda sér í bland við nútímalegar byggingar sem falla vel að heildarmynd miðborgarinnar. Húsin eru klædd með áli og því viðhaldslítið. Hljóðvistin uppfyllir ítrustu kröfur byggingareglugerðar. 
.
Mjög góðar almenningssamgöngur eru í nágrenninu og eru innan við 5 mínútna gangur í Sundhöll Reykjavíkur, Bónus, bestu bakarí borgarinnar og helstu sérverslanir. Glæsileg og aðgengileg eign í hjarta miðborgarinnar.

Nánari upplýsingar veita:
Jason Kristinn Ólafsson, löggiltur fasteignasali, í síma 7751515 / jason@betristofan.is