Hrauntunga 115

Eignin er seld og komin í fjármögnunarferli.
Jósep Grímsson löggiltur fasteignasali og Fasteignasalan Grafarvogi kynna Hrauntungu.
Fallegt og bjart endaraðhús á tveimur hæðum á frábærum stað í suðurhlíðum Kópavogs.
Komið er inn í rúmgóða forstofu með flísum á gólfi og stórum fataskáp.
Á hæðinni eru tvö rúmgóð svefnherbergi, geymsla og baðherbergi með sturtu. Mögulegt væri að búa til auka íbúð á hæðinni.
Upp á efri hæðina er gengið upp teppalagðan steyptan stiga. Á veggnum á milli hæða er drápuhlíðargrjót.
Efri hæð.
Eldhúsið er nokkuð rúmgott með upprunalegri innréttingu. Milli eldhúss og stofu eru léttir veggir þannig að auðvelt er að opna á milli. Inn af eldhúsinu er búr og rúmgott þvottahús.
Stofan er einstaklega rúmgóð með stórum gluggum og frábæru útsýni. Fallegur arin sem er klæddur með drápuhlíðargrjóti er í stofunni.
Úr stofunni er innangengt í stóra sólstofu og þaðan er útgengt út á stórar svalir sem ná yfir allt bílskúrsþakið.
Herbergin á hæðinni eru tvö, en væri auðvelt að bæta þriðja herberginu við. Hjónaherbergið er mjög rúmgott , inn af því er fataherbergi og salerni. Útgengt er úr hjónaherberginu út á svalir sem ná yfir allt bílskúrsþakið.
Baðherbergið er með baðkari og upprunalegri innréttingu.
Bílskúrinn er mjög rúmgóður með gluggum.
Hellulagt bílaplan er fyrir framan húsið. Garðurinn er mjög snyrtilegur.
Gólfefni hússins eru parket, teppi og flísar.
Húsið er hannað og teiknað af Sigvalda Thordarsyni arkítekt.
Þetta er virkilega fallegt, vel skipulagt fjölskylduhús á  góðum stað, þar sem stutt er í alla þjónustu, svo sem skóla, leikskóla verslun og íþróttastarf, sem vert er að skoða.

Vantar allar gerðir eigna á skrá. Persónuleg og góð þjónusta.
 
Nánari upplýsingar veitir:
Jósep Grímsson löggiltur fasteignasali
Fasteignasalan Grafarvogi
S: 863-1126
josep@fastgraf.is