Básbryggja 15

Jason Kr. Ólafsson sími 7751515 - jason@betristofan.is og Betri Stofan fasteignasala kynna: Básbryggja 15, 110 Reykjavík.

Vel skipulögð 4ra herbergja íbúð með tvennum svölum á eftirsóttum stað við Básbryggju

Við Básbryggju 15 er til sölu björt og vel skipulögð 4ra herbergja íbúð á 2. hæð í rólegu og fjölskylduvænu hverfi. Íbúðin er 124,6 fm að stærð, þar af 6,7 fm sérgeymsla.

Miðja íbúðarinnar er bjart alrými þar sem eldhús, borðstofa og stofa tengjast. Frá stofu er útgengt á rúmgóðar, skjólgóðar suðvestursvalir sem nýtast vel allt árið og eru mikið notaðar. Eldhús er með vandaðri innréttingu, nýlegum eldhústækjum og góðu skápaplássi og tengist alrýminu vel.
Svefnherbergin eru þrjú. Hjónaherbergið er með fataskáp og útgengi á rúmgóðar austursvalir. Tvö önnur rúmgóð svefnherbergi eru með fataskáp. Parket er á gólfum í íbúðarrýmum og flísar í votrýmum.
Baðherbergi er flísalagt, gólf og veggir, með innréttingu, baðkari og sturtuklefa. Upphengt salerni og handklæðaofn. Sér þvottahús er innan íbúðar.
Í sameign fylgir sérgeymsla, vagna- og hjólageymsla sem og sérdekkjageymsla. Húsið hefur fengið reglulegt utanhússviðhald á undanförnum árum.

Gott aðgengi með næg bílastæði. Afar falleg sameiginleg skjólgóð lóð að evrópskri fyrirmynd er fyrir aftan húsið. Framan við húsið er  fótboltavöllur og mjög gott leiksvæði fyrir börn með fjölbreyttum leiktækjum og ærslabelg. Þetta er vinsælt leiksvæði barna í hverfinu. Leiksvæðið er í sjónlínu frá íbúðinni og því auðvelt að fylgjast með börnum að leik. Stutt er í leikskóla og grunnskóla í Hamrahverfi Grafarvogs. 3 mín gangur er á strætóstöð.

Bryggjuhverfið er einstaklega fallegt og vel skipulagt með smábátahöfn í hverfinu sem gefur því sérstakan svip og sjarma. Bryggjuhverfið þykir sérstaklega skjólsælt fyrir ríkjandi norðan og suðvestanáttum og býður upp á fallegar göngu- og hjólaleiðir til nærliggjandi svæða á borð við Geirsnef, Elliðaárdal og Grafarvog. Stutt er á stofnleiðir og skammt að sækja alla helstu þjónustu upp á Höfða s.s. heilsugæslu, matvöruverslun, mathöll o.m.fl.

Allar nánari upplýsingar veitir Jason Kristinn Ólafsson, sími 7751515 netfang: jason@betristofan.is, og löggiltur fasteignasali.