Norðurtún 43

Glæsilegt einbýlishús á einni hæð með fjórum svefnherbergjum, steyptri verönd með heitum potti og frístandandi bílskúr (38,4 m²). Húsið stendur á fallegum stað, innst í botnlangagötu með útsýni sem kemur skemmtilega á óvart.
Stofa og eldhús eru í opnu og rúmgóðu rými með upptekið loft og útgengt á steypta verönd í sérlega fallegu umhverfi með villta náttúruna í bakgarðinum. Veröndin er með snjóbræðslukerfi og þar er heitur pottur og grillskýli. Í eldhúsi er mjög rúmgóð innrétting með eyju. Sjónvarpshol er í miðju húsinu og þar er loft einnig tekið upp. Baðherbergi er flísalagt í hólf og gólf, þar er bæði baðkar og sturta sem og fín innrétting og handklæðaofn. Fjögur svefnherbergi eru í húsinu. Parket er á þremur herbergjum en flísar á einu og er mögulegt að fjarlægja það herbergi og stækka stofuna enn frekar. Í þvottahúsi er fín innrétting og þaðan er útgengt í garð. Flísar eru í forstofu sem og gestasalerni þar inn af. Gott geymslupláss er á háalofti sem er yfir hluta af húsinu.
Bílskúr er nokkuð hefðbundinn með máluðu gólfi, bílhurð og geymslu sem hólfuð er af innst í bílskúr. Bílastæði er steypt og með snjóbræðslukerfi sem og aðkoma að húsi.
Nokkuð stór útigeymsla er í garði; rafmagn er í geymslu og henni haldið frostlausri með rafmagnsofni.
Hiti er í öllum gólfum hússins.

Nánari upplýsingar hjá INNI fasteignasölu.