Rauðavað 13

Falleg og vönduð 4ra herbergja 114,5 fm íbúð á 3. hæð (efstu) við Rauðavað í Reykjavík. Íbúðinni fylgir stæði í bílageymslu, þvottahús innan íbúðar og rúmgóðar suðvestur svalir. Íbúðin er laus til afhendingar.

Nánari lýsing: Komið er inn í flísalagða forstofu með góðum skáp. Því næst er komið í parketlagt hol. Til hægri þegar komið er í hol er björt og parketlögð stofa með útgangi út á rúmgóðar og flísalagðar svalir til suðurvesturs. Við hlið stofu er fallegt eldhús með eikarinnréttingum, steinborðplötu og flísum á gólfi. Við hlið eldhúss er dúklögð geymsla, með glugga. Til vinstri þegar komið er í hol frá forstofu er parketlagður herbergisgangur með þremur svefnherbergjum, baðherbergi og þvottahúsi. Svefnherbergin eru parketlögð og með skápum. Flísalagt baðherbergi með eikarinnréttingu, steinborðplötu, opnanlegum glugga og baðkari með sturtuaðstöðu. Þvottahús er flísalagt og með opnanlegum glugga. Granítborðplötur á eldúsinnréttingu og baðinnréttingu. Auk þess eru gluggakistur úr granít. Í sameign er sameiginleg hjóla-, vagna- og dekkjageymsla.
Þá fylgir stæði í lokaðri bílageymslu. Í bílageymslu er sameiginleg þvottaaðstaða fyrir bíla, með háþrýstidælu og ryksugu. Auk þess er eftirlits myndavélakerfi í bílageymslu. 

Íbúðin er á góðum stað í Norðlingaholti með fallegu útsýni yfir Heiðmörkina. Snyrtilegt umhverfi, stutt í skóla, leikskóla og fallegar gönguleiðir.

FALLEG OG BJÖRT 4RA HERBERGJA ÍBÚÐ MEÐ ÞVOTTAHÚSI INNAN ÍBÚÐAR, RÚMGÓÐUM SUÐURSVÖLUM, SÉRINNGANGI AF SVÖLUM OG STÆÐI Í BÍLAGEYMSLU - LAUS FLJÓTLEGA EFTIR KAUPSAMNIG.