Lambhagi 50

ÁRBORGIR SELFOSSI S 482 4800 kynna:
Lambhagi 50, vel staðsett einbýli í grónu hverfi á Selfossi.
Húsið er timburhús, klætt að utan með litaðri plastklæðningu, bárujárn er á þaki.
Heildarstærð eignarinnar er 165,8m2 og er sambyggður bílskúr 46m2 þar af.
Að innan skiptist eignin í forstofu, stóra geymslu sem hægt er að gera að herbergi, hol/gang, stóra stofu, eldhús og borðstofu, baðherbergi og 3 svefnherbergi.
Upprunaleg innrétting er í eldhúsi og er hún í ágætu ástandi, parket er á gólfi. Baðherbergi hefur verið endurnýjað að hluta, þar er baðkar og lítil innrétting. Stofan er parketlögð og þar er hurð út á sólpall. Parket er á herbergjunum og eru fataskápar í tveim þeirra. Dúkur er á geymslu og forstofa er parketlögð. Bílskúr er tvöfaldur, fullbúinn með rafmagni og hita. Búið er að skipta bílskúrnum upp og stúka af stórt rými sem nýtist sem þvottahús eða tómstundaherbergi og er gönguhurð í það rými. 
Góður sólpallur með skjólveggjum er á baklóð og er lóðin gróin.
Eignin er í heildina snyrtileg og virðist viðhald hafa verið gott. 
Staðsetning er mjög góð en húsið stendur innst í rólegum botnlanga í barnvænu hverfi.
Stutt er í skóla og leikskóla.
Nánari upplýsingar og bókið skoðun á skrifstofu Árborga.
arborgir@arborgir.is eða í 482-4800.