Fannagil 26

Fannagil 26 - Rúmgóð og falleg 6 herbergja raðhúsaíbúð á tveimur hæðum með sambyggðum bílskúr í Giljahverfi. Heildarstærð er 197,6 m² en þar af telur bílskúrinn 24,9 m²

Vönduð og vel um gengin eign á vinsælum stað í bænum.
- 4 góð svefnherbergi og möguleiki á að útbúa það fimmta úr sjónvarpsstofu
- Frábært útsýni
- Gólfhiti í öllum rýmum
- Snjóbræðsla í bílaplani
- Gott geymsluloft yfir allri íbúðinni.

Eignin skiptist með eftirfarandi hætti: 
Efri hæð: Forstofa, eldhús, stofa, tvö svefnherbergi, baðherbergi og bílskúr
Neðri hæð: Sjónvarpsstofa, baðherbergi, tvö svefnherbergi, hol, þvottahús og geymsla. 

Efri hæð:
Forstofa er með flísum á gólfi og góðu skápaplássi.
Eldhús er með mahony innréttingu og ljósum flísum á gólfi. Stæði fyrir ísskáp er í innréttingu. Uppþvottavél er innfelld í innréttingu og fylgir með við sölu. Úr eldhúsi er gengið út á góðan sólpall sem snýr til vesturs. 
Stofa er rúmgóð, með flísum á gólfi og innfelldri lýsingu. Skemmtilegt útsýni er úr stofuglugganum. 
Baðherbergi er flísalagt í hólf og gólf með hornbaðkari og góðri mahony innréttingu. Upphengt wc, handklæðaofn og opnanlegur gluggi er á baði.
Hjónaherbergi er rúmgott, með góðu skápaplássi og plastparketi á gólfi.
Barnaherbergi er með plastparketi á gólfi og fataskáp. 
Bílskúr er með flísum á gólfi og hillum á veggjum. Þar er tengi fyrir þvottavél. Sér inngönguhurð er við hliðina á innkeyrsluhurðinni.
Geymsluloft er yfir allri íbúðinni og eru lúgur upp á geymsluloftið bæði úr bílskúrnum og úr barnaherbergi efri hæðar. 

Neðri hæð:
Tvö svefnherbergi eru á neðri hæðinni, bæði mjög rúmgóð, með ljósu plastparketi á gólfi og fataskápum. 
Sjónvarpsstofa er með plastparketi á gólfi. Úr þessu rými væri hægt að útbúa fimmta svefnherbergið. 
Baðherbergi er flísalagt og með góðri ljósri innréttingu. Stór flísalögð sturta og upphengt wc. 
Hol er með plastparketi á gólfi. Af holi er hurð inn í geymslu undir stiga.
Þvottahús er með flísum á gólfi. Ljós innrétting fyrir þvottavél og þurrkara í vinnuhæð. Úr þvottahúsi er útgengt út á baklóð.

Annað:
- Húsið var málað að utan 2018
- Snyrtileg og vel umgengin eign
- Ljósleiðari
- Innfelld lýsing í alrými á efri hæð.