Kotabyggð 13

Fasteignasalan Byggð 464-9955 - Einkasala 
 
Kotabyggð 13 

**Seld með fyrirvara**
 
Um er að ræða fallega þriggja herbergja einbýlishús ásamt gestahúsi og gróðurhúsi í blandaðri byggð á fallegum útsýnisstað gegnt Akureyri. 
Húsið stendur á fallegri gróinni eignarlóð sem er skráð 1.870,0 fm. Eignin skráð er samtals 150,8 fm. að stærð og skiptist í íbúðarhæð 70,3 fm., neðri hæð/kjallari 69,3 fm. og gestahús sem er 11,2 fm.  Á lóðinni er upphitað 14 fm. gróðurhús og góð timburverönd með heitum potti. 

Húsið er timburhús á steyptum kjallara. Húsið er klætt að utan með flísum að undaskildum norðurgaflinum sem er viðarklæddur.  
Eignin skiptist í anddyri, tvö svefnherbergi, baðherbergi með þvottaaðstöðu, stofa, eldhús og borðstofa í opnu rými. 

Forstofa með flísum á gólfi, upptekið loft með innfelldum ljósum og góðum skáp.
Svefnherbergin eru tvö, bæði með parket á gólfi og upptekið loft. Innfelld lýsing og skápur er í öðru þeirra.
Baðherbergi er flísalagt í hólf og gólf með góðri innréttingu við vask, upphengt salerni, handklæðaofn, sturtuklefi og opnanlegur gluggi, þar er einnig góð innrétting með stæðri fyrir þvottavél og þurrkara í vinnuhæð.
Eldhús, borðstofa og stofa í opnu rými með kamínu, parket á gólfi, upptekið loft með innfelldri lýsingu og eru þar stórir gólfsíðir gluggar með glæsilegu útsýni yfir Eyjafjörðinn og Akureyri. Ágætis innrétting með stæði fyrir uppþvottavél og tvöfaldan ísskáp, bakaraofn í vinnuhæð og gashelluborð. Úr alrýminu er útgangur á verönd með glæsilegu útsýni.
Kjallarinn skiptist í tvo hluta, fremri hlutinn er í dag nýttur sem fjölskyldurými. Í innri hlutanum er góð geymsla, aðeins lægra er til lofts þar. Búið er að tengja salerni í innra rýminu.  
Gestahús er austan við hús með snyrtingu, upphitað svefnrými með parketi á gólfi og hvíttaður panill á veggjum og lofti.
Verönd með heitum potti og liggur með þremur hliðum hússins þaðan sem er glæsilegu útsýni. 
 
Annað: 
- Eignarlóð 
- Verönd með heitum potti og glæsilegu útsýni.
- Gróðurhús sem er upphitað.
- Gestahús með svefnrými og salernisaðstöðu.
- Gólfhiti er á báðum hæðum hússins
- Hátt til lofts víða á efri hæð hússins.
- Mjög góð bílastæði
- Grindverkið hefur verið nýlega málað að mestum hluta. 
- A.t.h skemmd í parket við eldhúskrók, líklega spenna í parketinu. 
- A.t.h grummynd hefur verið breytt lítillega til að sýna núverandi nýtingu á gestahúsinu. 
- Húsið er byggt á klöpp að hluta og hefur komið í leysingum smit í norðvesturhorni kjallarans.

Gjöld sem kaupandi þarf að standa straum af vegna kaupanna:  
1. Stimpilgjald af kaupsamningi - 0.8% af heildarfasteignamati / 1.6% fyrir lögaðila.    (0.4% við fyrstu kaup einstaklinga m.v. að lágmarki 50% eignarhlut).
2. Þinglýsingagjald af kaupsamningi, veðskuldabréfi, veðleyfi o.fl.- kr. 3.800 af hverju skjali.
3. Lántökugjald lánastofnunar -almennt 0,5-1,0% af höfuðstól skuldabréfs (nánari upplýsingar m.a. á heimasíðum lánastofnanna).
4. Umsýsluþóknun til fasteignasölu, sbr.kauptilboð. 

Frekari upplýsingar:
greta@byggd.is
olafur@byggd.is
bjorn@byggd.is

Skipagötu 16 á 2. hæð.
S:464 9955