Naustavör 32

Nýtt á skrá! Naustavör 32 Kópavogi - Glæsileg 4ra herb. útsýnisíbúð á 3. hæð með stæði í bílakjallara og svalalokun!

Lind fasteignasala / Heimir Hallgrímsson lögg. fasteignasali kynna til sölu glæsilega íbúð í vönduðu og nýlegu húsi byggðu af BYGG við Naustavör 32 í Kópavogi. Um er að ræða 136,7 fermetra íbúð í lyftuhúsi á 3. hæð með 3 svefnherbergjum (möguleiki að bæta við fjórða á kostnað sjónvarpsstofu), stórri stofu með gólfsíðum gluggum og glæsilegu óskertu útsýni til norðvesturs og norðurs út á sundin, að Nauthólsvíkinni, Snæfellsjökli og víðar. Gólfhiti í allri íbúðinni. Sérgeymsla í kjallara sem er 10,6 fermetrar og sérmerkt stæði í bílakjallara með rafhleðslustöð. 

Íbúðin er hin vandaðasta með fallegu harðparketi á gólfi og gólfhita. Vandaðar innréttingar frá Brúnás og fallegur kvartz steinn á borðum. Vönduð AEG eldhústæki eru í íbúðinni og innbyggð blöndunartæki á baðherbergi. Fjarstýrðar rafdrifnar sólargardínur í íbúð. Innfelld lýsing í loftum, svalalokun á rúmgóðum svölum og gólfsíðir gluggar í stofu sem auka glæsilegt útsýni til muna.

Sameign hússins er afar snyrtileg með flísum á ytra anddyri og teppum á sameign. Lyfta er í húsinu sem gengur niður í bílakjallara. Rafmagnshurðaropnun er á aðalhurðum í sameign. Myndavéladyrasími er í húsinu. Lóðin og aðkoma að húsinu er virkilega snyrtileg og sjarmerandi með hellulagðri stétt fyrir framan hús með snjóbræðslu, fallegum blómakerum og sameiginlegum malbikuðum stæðum. 

Við hönnun hússins var haft að leiðarljósi að hafa íbúðirnar bjartar og rúmgóðar með stórum gluggum sem ná niður í gólf og hita í gólfum. Húsið eru álklædd og eru því viðhaldslítil. Fossvogsbrú (2028) styttir göngu-, hjóla,- og strætóferðir í miðbæinn. Stutt er í Fossvoginn með sinni einstöku fegurð, Öskjuhlíðina, Nauthólsvíkina og Kársnesið. Stutt er í margvíslega þjónustu og afþreyingu. Smáralindin, Kringlan svo ekki sé minnst á menningarlífið í Gjánni, s.s. Salinn og Gerðarsafn er steinsnar frá Naustavör. Nýlega endurbyggður grunnskóli í göngufæri þar sem ekki þarf að fara yfir neinar umferðargötur (undirgöng). Auk þess er leikskóli í smíðum við Naustavör í göngufæri.

Nánari lýsing:
Forstofa: Með harðparketi á gólfi og góðum skápum.
Eldhús: Með harðparketi á gólfi og glæsilegri eldhúsinnréttingu frá Brúnás með miklu skápaplássi. Stór eldhúseyja með kvartz steini á borðum og undirfelldum vaski. Vönduð eldhústæki frá AEG (bakaraofn, örbylgjuofn, spansuðu helluborð og stál eyjuháfur). 
Stofa: Er stór með harðparketi á gólfi og gólfsíðum gluggum til vesturs. Glæsilegt útsýni til norðvesturs út á sundin, Snæfellsjökli og víðar. Stofa rúmar vel setustofu og borðstofu. Útgengi á svalir.
Svalir: Eru rúmgóðar með flísum á svalagólfi og svalalokun. Rafmagnshitari uppsettur á svölum. Glæsilegt útsýni frá svölum út á sundin.
Sjónvarpsstofa: Með harðparketi á gólfi og gólfsíðum gluggum til vesturs. Möguleiki að loka af sjónvarpsstofu og útbúa fjórða svefnherbergið.
Baðherbergi: Með flísum á gólfi og veggjum. Flísalögð sturta með innbyggðum blöndunartækjum. Falleg innrétting við vask, upphengt salerni og handklæðaofn. 
Svefnherberg I: Með harðparketi á gólfi, skápum og gólfsíðum gluggum til austurs.
Svefnherbergi II: Með harðparketi á gólfi, skápum og gólfsíðum gluggum til austurs.
Hjónaherbergi: Er rúmgott með harðparketi á gólfi og gólfsíðum glugga til austurs. Fataherbergi inn af hjónaherbergi.
Fataherbergi: Er staðsett inn af hjónaherbergi. Harðparket á gólfi og skápar.
Þvottaherbergi: Er staðsett inn af forstofu. Flísar á gólfi og vinnuborð. Góðir skápar og tenglar fyrir þvottavél/þurrkara.

Sérmerkt bílastæði: Er vel staðsett í bílakjallara (númer 309) með rafhleðslustöð.
Sérgeymsla: Í kjallara er 10,6 fermetrar að stærð og er staðsett í kjallara.
Hjóla- og vagnageymslur: Eru tvær og er önnur staðsett í kjallara en hin á fyrstu hæð.

Nánari upplýsingar hjá:
Heimi Hallgrímssyni lögg. fasteignasala í síma 849-0672 eða á netfanginu heimir@fastlind.is