Espigerði 2

Valborg ehf kynnir eignina Espigerði 2, 108 Reykjavík, nánar tiltekið 168 ferm, 4-5 herbergja endaíbúð á tveimur hæðum. Um er að ræða bjarta og vel skipulagða útsýnisíbúð á annarri og þriðju hæð í lyftuhúsi með góðu útsýni. Eignin skiptist í anddyri, gestasalerni, hol, eldhús, stofu og borðstofu í með útgengi á svalir á neðri hæð. Á efri hæð eru tvö stór svefnherbergi (voru áður þrjú), tvennar svalir, sjónvarpshol, baðherbergi og þvottaherbergin og mjög gott skápapláss á gangi.
Vel staðsett eign miðsvæðis í fallegu fjölbýlishúsi sem hefur fengið gott viðhald í gegnum árin. Eignin er samtals 168 fermetrar þar af eru um 10 ferm sérgeymsla. Stórar svalir liggja meðfram íbúðinni á báðum hæðum. Öll rými á báðum hæðum eru parketlögð með gegnheilu beyki parketi nema í votrýmum þar sem er dúkalagt.   Í sameign er leikrými fyrir börn ásamt hjólageymslu og þvottaherbergi og einnig eru stórar sameiginlegar suður svalir á 8. hæð sem eru í sameign hússins.
Ekki verður opið hús í eigninni. Bókið einkaskoðun.

Nánari upplýsingar veitir Elvar Guðjónsson viðskfr og lögg fasteignasali, í síma 8954000, tölvupóstur elvar@valborgfs.is.

Eignin Espigerði 2 er skráð sem hér segir hjá FMR: Eign 203-4150, birt stærð 167.7 fm.

Neðri hæð  
Forstofa: Gengið inn í rúmgóða forstofu og hol með góðum skápum og beykiparketi á gólfi.
Gestasalerni: Inn af forstofu með salerni og handlaug og spegli á vegg.
Eldhús: Með eldri innréttingu og parketi á gólfi. Gengið inn í borðstofu.
Borðstofa: Opin við eldhús og flæðir inn í stofu með útgengt á góðar svalir til austurs. Parket á gólfi. Möguleiki er að stækka rýmið verulega með því að taka vegg við eldhús, sem er léttur.
Stofa: Mjög rúmgóð og björt með parketi á gólfi, opin við hol og borðstofu með glæsilegu útsýni til fjalla.
Tréstigi á milli hæða.
Efri hæð  
Stigi: Gengið upp opin tréstiga í hol/gang á efri hæð.
Hol: Opið rými sem nýtist vel sem sjónvarpshol eða skrifstofa og tengir saman efri hæðina, parket á gólfum. Mikið skápapláss.
Hjónaherbergi: Stórt og rúmgott með góðum skápum.  Opið út á svalir til norðurs og austurs. Parket.
Herbergi II: Afar stórt svefnherbergi (voru áður tvö barnaherbergi), parket á gólfi. 
Gangur: Á gangi eru tveir stórir innbyggðir fataskápar.
Baðherbergi I: Með baðkari, rúmgott með innréttingu. Dúkur á gólfi.
Þvottaherbergi og geymsla: Lítið herbergi með tengi fyrir þvottavél og þurrkara og hillum.  Dúkur á gólfi.


Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.  Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Valborg ehf. fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.