Martröð 1 og 3

Fasteignasalan Hvammur 466 1600

Tvær verbúðir á hafnarsvæðinu á Dalvík við Martröð 1 og Martröð 3.

Martröð 1 - ytra húsið.
Húsið er með skráð byggingarár 1953 og skiptist í tvær hæðir og ris.  Húsið er í heildina skráð 956,5 m² að stærð og skiptist í tvær 398,8 hæðir og 158,9 m² ris. Lóðin undir húsinu er skráð 842,0 m² 
Húsið er óeinangrað og öll gólf eru timburgólf.

Martröð 3 - syðra húsið
Húsið er með skráð byggingarár 1961 og er á tveimur hæðum.  Húsið er í heildina skráð 703,8 m² að stærð, 352,5 m² neðri hæð og 351,3 m² efri hæð. Lóðin undir húsinu er skráð 877,0 m²  Botnplatan er steypt en timburgólf er á milli hæða.  Húsið er að stærstum hluta óeinangrað að undanskildum hluta sem nýtist sem kaffistofa og salerni.

Báðar eignir eru í eigu Dalvíkurbyggðar og skiptast upp í rými af ýmsum stærðum og gerðum sem eru leigð út sem atvinnurými og geymslur/verbúðir og hafa þeir sem eru með hafnsækna starfsemi haft forgang að rýmum.
Eignirnar eru hluti af eldra hafnarsvæði Dalvíkur og hafa ákveðið varðveislugildi í skipulagi og hafa nokkuð menningarsögulegt gildi í sögu Dalvíkur.

Dalvíkurbyggð óskar eftir tilboðum í eignirnar og hægt er að bjóða í þér báðar saman eða í sitthvoru lagi.  Kauptilboð skulu fara í gegnum Fasteignsasöluna Hvamm og mun Sigurður Sigurðsson fasteignasali veita frekari upplýsingar um eignina og tilboðsferlið - siggi@kaupa.is og gsm 862 1013

Við norðurhlið Martraðar 1 er lítil bygging, svonefnt kranahús og verður það undanskilið við sölu.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Verbúðirnar báðar eru að stærstum hluta í upprunalegu ástandi og í báðum húsum er mikið af aspesti.  Fasteignasalan Hvammur skorar því á væntanlega kaupendur að kynna sér vel ástand eignanna fyrir kauptilboðsgerð og leita til þar til bærra sérfræðinga um nánari skoðun.  

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.