Grandavegur 42 G

LIND fasteignasala og Helga Pálsdóttir löggiltur fasteignasali kynnir fallega og sérlega vel skipulagða 2-3ja herbergja íbúð á 2. hæð með stæði í lokaðri bílageymslu og sjávarútsýni. Íbúðin er vönduð með góðu skápaplássi í öllum rýmum. Svefnherbergið er mjög rúmgott. Út frá stofu er gengið út á yfirbyggðar svalir sem snúa inn í fallegan og rólegan garð ásamt því að horfa út á sjó. Baðherbergið er rúmgott með walk-in sturtu og inn af baðherbergi er þvottahús með góðum skáp sem rúmar þvottavél og þurrkara (hægt er að loka þvottahúsi með rennihurð).  Stutt er í alla helstu þjónustu, skóla og íþróttahús og út á fína hjóla- og göngustíga niður við sjó - Grandinn og miðborgin í göngufæri. Í bílakjallara eru 19 gestastæði og þvottastæði eru í bílastæðahúsinu. Mjög snyrtileg sameign.
 
Nánari lýsing eignar:
Forstofan er rúmgóð með fallegum flísum á gólfi og góðum tvöföldum fataskáp í svartbæsaðri eik. Skápurinn er feldur inn í vegginn og nær upp í loft. Rennihurð er á milli anddyris og alrýmis.
Eldhúsið er í opnu rými með stofunni. Falleg innrétting er í vinkil með dökkum neðri skápum og hvítum efri skápum. Ísskápur er innbyggður og uppþvottavél líka og munu þau tæki fylgja með í kaupum ásamt spanhelluborði. Nýlegur bakaraofn endurnýjaður 2023 með sjálfhreinsibúnaði. Fallegt viðarparket er á gólfi.
Stofa - borðstofa eru saman í opnu rými með eldhúsinu. Fallegt viðarparket er á gólfi. Útgengt er út á yfirbyggðar svalir með svalalokunum. Svalirnar snúa inn í rólegan og fallegan garð í miðju hússins. Auðvelt er að útbúa barnaherbergi úr hluta af stofu.
Baðherbergi með fallegum flísum á gólfi og hvítar flísar eru á tveimur veggjum. Falleg svartbæsuð eikar innrétting er undir vaski og við hlið spegils. Spegill er með fallegri hulinni lýsingu. Stór walk-in sturta með glervegg. Salernið er upphengt og handklæðaofn er á vegg.
Þvottahús með góðum skápum- er í rýminu sem rúmar þvottavél og þurrkara. Salernið er upphengt og handklæðaofn er á vegg.
Hjónaherbergi með fallegu viðarparket er á gólfi. Fataskápur er í hjónaherbergi á heilum vegg.
Sérgeymsla er í sameign með hillum, ásamt sameiginlegri vagna- og hjólageymslu.

Vandað viðarparket frá Parka er á allri eigninni fyrir utan baðherbergi, þvottahúsi og forstofu. Í bílakjallara eru einnig gestastæði. Þá hefur húsfélagið sett upp öryggismyndavélar í bílgeymslu og umhverfis húsið.  Bílastæði í bílageymslu með hleðslustöð, notkun rukkuð af húsfélagi. Lyklalaust aðgengi er í sameign með sjálfopnandi hurðum inn í hús úr bílageymslu og anddyrum. Allar upplýsingar um eignina veitir Helga Pálsdóttir fasteignasali í síma 822 2123 eða helga@fastlind.is