Sörlaskjól 56

Nýtt á skrá! Sörlaskjól 56 í Reykjavík - Bókið skoðun.

Lind fasteignasala kynnir afar fallega, bjarta og vel staðsetta 3-4 herbergja íbúð á 1. hæð í fjölbýlishúsi við Sörlaskjól 56 í Reykjavík. Tvö svefnherbergi eru í íbúðinni í dag og tvær samliggjandi rúmgóðar stofur og því hægt að nýta aðra stofuna sem þriðja svefnherbergið . Íbúðin er virkilega falleg og sjarmerandi með skemmtilegri gluggasetningu og loftlistum. Gegnheilt parket á gólfum. Sameiginlegur inngangur með einungis einni íbúð. 

Baðherbergið var endurnýjað á smekklegan máta fyrir nokkrum árum. Þá hefur þakið verið endurnýjað ásamt frárennslislögnum frá húsi og út í brunn.  Lóðin er 491,4 fermetrar að stærð, sameiginleg og frágengin. Lóðin er að mestu tyrfð og afgirt með sameiginlegri verönd til suðvesturs. Hellulögð stétt fyrir framan hús að útitröppum. 

Um er að ræða virkilega fallega og vel umgengna íbúð á frábærum og eftirsóttum stað við Sörlaskjól í Reykjavík. Stutt er í allar helstu verslanir, þjónustu, íþróttasvæði, fallegar hjóla- og gönguleiðir við sjávarsíðuna og alla þá menningu sem miðborg Reykjavíkur hefur upp á að bjóða. 

Nánari lýsing: Ytri forstofa: Er sameiginleg með einni íbúð í húsinu. Fallegar upprunlegur terrazzo steinn á gólfi og teppi fyrir innan.
Forstofa/Hol: Með parketi á gólfi og fallegum loftlistum. 
Stofa: Er rúmgóð, björt og með gegnheilu parketi á gólfi. Fallegir gluggar til suðvesturs og vesturs. Stofa er opin bæði inn í hol og borðstofu og myndar skemmtilegt flæði innan íbúðar.
Borðstofa: Með gegnheilu parketi á gólfi og glugga til suðvesturs. Fallegt útsýni út á sundin frá borðstofu.
Eldhús: Með gegnheilu parketi á gólfi og hvítri eldhúsinnréttingu (endurnýjuð að hluta). Eldavél með keramik helluborði og nýlegri viftu. Lýsing undir efri skápum og tengi fyrir uppvottavél. Gluggi til norður. 
Baðherbergi: Var endurnýjað fyrir nokkrum árum síðan. Flísar á gólfum og hluta veggja. Baðkar með sturtutækjum, innrétting við vask með speglaskáp. Upphengt salerni og handklæðaofn. Gluggi til norðurs.
Hjónaherbergi: Er rúmgott og bjart með gegnheilu parketi á gólfi. Skápar og gluggi til vesturs.
Svefnherbergi: Með parketi á gólfi og glugga til suðvesturs. 

Geymsluloft: Er staðsett yfir íbúð á 2. hæð sem tvær íbúðir eiga og hafa aðgengi að.

Sameign: 
Þvottaherbergi: Er staðsett í kjallara hússins. Málað gólf og sér tenglar fyrir hverja íbúð. Þvottasnúrur og gluggi til norðurs. 
Köld útgeymsla: Er staðsett undir útitröppum og er sameiginleg.
Útigeymsla: Sameiginleg í bakgarði (niðurgrafin gömul kolageymsla). 

Allar nánari upplýsingar veitir Heimir Hallgrímsson lögg. fasteignasali í síma 849-0672 eða á netfanginu heimir@fastlind.is