Tjarnarbraut 1

Í hjarta Egilsstaða og í elsta húsi bæjarins er Nielsen veitingahús sem undanfarin ár hefur sannað sig sem einn af betri og fallegri veitingastöðum á Íslandi.
Húsið er nú til sölu með öllu því sem í húsinu er, þ.m.t. vel útbúið eldhús, borð, stólar og borðbúnaður. 
Hér ætti því að vera frábært tækifæri fyrir metnaðarfullt fólk að hefja eigin rekstur í þessu vel þekkta húsi, hvort sem um væri að ræða veitingastað, gistingu eða eitthvað annað sem húsið býður upp á.
Húsið er á tveimur hæðum með sæti fyrir 38 gesti innandyra. Því til viðbótar er við húsið stór timburverönd sem er vinsæl hjá gestum á góðum sumardögum fyrir bæði mat og drykk.
Á neðri hæð er móttaka og bar ásamt sætum fyrir 10 manns. Vel útbúið eldhús er á neðri hæð sem og salernisaðstaða.
Á efri hæð er salur með sæti fyrir 28 manns. Úr sal er útgengt á litlar svalir. Á efri hæð er skrifstofa og starfsmannaaðstaða. 
Á lóðinni standa tvö hús (óskráð) og annað þeirra upphitað, sem nýtt hafa verið undir starfsemina sem lagerrými o.fl.

Nánari upplýsingar hjá INNI fasteignasölu.