Fasteignamarkaðurinn ehf. s. 570-4500 kynnir til sölu eignina Brekkulækur, 531 Hvammstangi. Um er að ræða jörð og hlunnindi, mikinn húsakost og allan nauðsynlegan búnað fyrir ferðaþjónustu, s.s. allt innbú og það sem tilheyrir slíkum rekstri. Hitaveita og ljósleiðari eru til staðar.
Öll aðstaða til reksturs ferðaþjónustu er til fyrirmyndar, staðsetning eignarinnar góð á milli höfuðborgar og Akureyrar. Húsakostur er allur í góðu ástandi og hefur alla tíð fengið gott viðhald. Ferðaþjónustan hefur gott orðspor og mikil og góð sambönd. Staðsetning er góð í gróinni sveit á jörð með umtalsverð hlunnindi við eina albestu laxveiðiá landsins, Miðfjarðará.
Seljandi skoðar ýmis konar eignaskipti.
Slóð á heimasíðu er: www.abbi-island.is
Um er að ræða tvö fastanúmer: Brekkulækur II- Fastanr. F213-3283 og landnr. L219930. Brekkulækur III - Fastanr. 231-7856 og landnr. L217343.
Brekkulækur II: Þar er skráð 2,4 hektara jörð - 800,9 fermetra gistihús- 12,3 fermetra svefnskáli - 47,7 fermetra starfsmannahús.
Húsið var upphaflega byggt árið 1936, en það stækkað og endurnýjað mikið árin 1993 og 2012. Eignin skiptist í gestamóttöku, snyrtingar/baðherbergi, setustofur, matsal og gott eldhús. Herbergi eru 16 talsins, þar af 7 þeirra 2ja manna herbergi með snyrtingum, 3x 2ja manna með vaski og sameiginlegu baðherbergi, 6x eins manns herbergi með sameiginlegu baðherbergi, 1x 2ja herbergja íbúð með eldhúsi og baðherbergi og 1x 4ra manna fjölskylduherbergi með sérinngangi og baðherbergi.
Einnig er til staðar ein 3ja herbergja íbúð og önnur 5 herbergja íbuð, sem er aðsetur eiganda. Allur húskostur er í góðu ástandi.
Þá er einnig á jörðinni starfsmannahús sem er 47,7 fermetra A-bústaður, byggður árið 1989, sem skiptist í 2 svefnherbergi, eldhús, setustofu og baðherbergi. Starfsmannahús er í nokkuð góðu ástandi.
Brekkulækur III: Þar er skráð 239,6 hektara jörð - 82,1 fermetra geymsla frá 1930, gömul hlaða - 4,3% hlutur í Miðfjarðará sem skilar góðum tekjum árlega - 24 hektarar ræktað land - fullbúið 465,8 fermetra hesthús með 10x eins hests stíum og 4x 2ja hesta stíum - lítil íbúð og tækjageymsla byggð 2015, sem er upphituð og með snyrtingu og rennandi heitu og köldu vatni. Yfir tækjageymslu er 2ja herbergja íbúð sem innangengt er í og er um 50 fermetrar að stærð. A-bústaður sem er nýtt sem starfsmannahús er með tveimur svefnherbergjum, eldhús og baðherbergi. Húsin eru í ágætu ástandi.
Brekkulækur er aðili að veiðifélagi Miðfjarðarár. Laxveiðihlunnindi Brekkulækjar vegna árinnar eru umtalsverðar á hverju ári.
Brekkulækur er einnig aðili að veiðifélagi Arnarvatnsheiðar og Tvídægru. Félagið greiðir ekki út arð en ágóði af sölu veiðileyfa fer í viðhald skála, vega o.s.frv. á afrétti Miðfirðinga eða eru nýtt á annan hátt sveitinni til góðs. Aðilar í veiðifélaginu geta eftir atvikum fengið leyfi til að veiða sér sjálfir í vötnum á heiðinni skv. nánara samkomulagi og í samráði við formann veiðifélagsins.
Allar nánari upplýsingar veittar á skrifstofu Fasteignamarkaðarins ehf. í síma 570-4500 eða á netfanginu fastmark@fastmark.is