Álfahvarf 2

Berglind Hólm lgfs. og RE/MAX kynna: Sérlega fallegt, vandað og vel skipulagt endaraðhús með mikilli lofthæð og glæsilegu útsýni á besta stað í Hvarfa-hverfinu í Kópavogi, Vatnsendanum. Í eigninni eru fjögur góð svefnherbergi, tvö baðherbergi (bæði með sturtu), stórt alrými sem rúmar stóra stofu + borðstofu og eldhús, sjónvarpshol, forstofa, geymsla, sér þvottaherbergi og bílskúr. Í eigninni inn af öðru baðherberginu er falleg sauna. Í eigninni eru vandaðar innréttingar, gegnheilt planka parket á gólfi í öllum rýmum nema flísar eru á votrýmum og forstofu. Gólfhiti er í öllum rýmum og lofthæð fer upp í allt að 3,6 m á hæð. Garðurinn er afgirtur og skjólgóður með mikið af fallegum trjágróðri sem veitir sérlega mikið næði fyrir öllu nær umhverfi í kringum húsið.  Garðurinn snýr bæði til suðurs og vesturs og er með sérstæðum palli með heitum potti og öðrum palli þar sem hægt er að setja útihúsgöng í fallegu umhverfi. Glæsilegt útsýni er frá efri hæð hússins sem nær yfir að Elliðavatni, upp yfir heiðar og út að Esjunni. Stórt bílaplan með stæði fyrir allt að 3 bíla er fyrir framan húsið. Mjög stutt er í leikskóla og göngubrú er rétt hjá húsinu beint að Vatnsendaskóla. 

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is

Nánari lýsing eignar: 
Fyrir framan húsið er stórt allt að þriggja bíla hellulagt bílastæði með snjóbræðslu. 
Jarðhæð:
Forstofa: Komið er inn í forstofu með fallegum flísum á gólfi og innfeldum fataskápum með þrefaldri hurð. Rétt fyrir innan forstofuna er geymsla/fataherbergi sem einnig nýtist sem fatahirsla fyrir forstofuna ef þörf er á. Góðir fataskápar eru í geymslunni. 
Þvottahús: Á milli forstofu og bílskúrs er flísalagt sér þvottahús. Innréttingar eru í brún bæsuðu útliti, góð vinnuborð og vinnuvaskur. Opnanlegur gluggi. Innangengt er í bílskúr.
Sjónvarpshol: Í miðju jarðhæðarinnar er sjónvarpshol með parketi á gólfi. Hægt er að ganga út í garðinn frá holinu. Sjónvarpsholið er fyrir framan eitt af svefnherbergjunum, hægt að stækka svefnherbergi upp í allt að 16 fm með auðveldum hætti á kostnað sjónvarpsholsins.
Baðherbergi + Sauna: Baðherbergið er með fallegum ljósum flísum á gólfi og á flestu veggjum. Innrétting undir vaski er í brún bæsuðu útliti, falleg ofan á liggjandi handlaug og innbyggð blöndunartæki. Stór speglaskápur er á vegg fyrir ofan vaskinn. Góð sturta með glerlokun er í rýminu.  Fullbúin sauna.
Svefnherbergi 1: Rúmgott barnaherbergi með planka parketi á gólfi og góðum fataskápum (15,7 fm).
Svefnherbergi 2: Gott barnaherbergi með planka parketi á gólfi og fataskáp (9 fm). Möguleiki að stækka herbergið á kostnað sjónvarpsholsins. 
Svefnherbergi 3: Rúmgott barnaherbergi með planka parketi á gólfi og tvöföldum fataskáp. parketlagt (11,2 fm).
Bílskúr: Bílskúrinn er 27,5 fm flísalagður með góðri lofthæð og glugga á gafli. sjálfvirkur bílskúrshurðaopnari. 
Efri hæð:
Á milli hæða er steyptur veglegur stigi með parketlögðum þrepum.
Opið alrými: Eldhús, setustofa + borðstofa
Eldhús: Eldhúsið er opið og rúmgott með mikilli lofthæð. Innrétting er með brún bæsuðum neðri skápum og hvítum efri skápum á einn vegg. Tækjaveggur er með miklu og góðu skápaplássi og ofni í vinnuhæð, hvítir skápar. Eyja er með brún bæsaðri innréttingu undir borðplötu og span helluborði. Ljós stein borðplata er á vaskaborði og á eyjunni. Gott eldhúsborð er áfast eyjunni úr ljósum steini. Flísar eru á gólfi. Eldhúsið er einstaklega rúmgott með miklu skápa- og vinnuplássi. Fallegir gluggar hleypa birtu inn í rýmið. Eldhúsið er opið yfir að stofunni. 
Stofa + borðstofa: Stofa og borðstofa eru saman í mjög rúmgóðu opnu rými með mikilli lofthæð. Fallegt planka parket er á gólfi. Gluggar eru stórir og skarta glæsilegu útsýni yfir að Elliðavatni, upp yfir heiðar og að Esjunni. Útgengi er út á (9,5fm) svalir til vesturs.
Svefnherbergi nr.4 (Hjónaherbergi): Hjónaherbergið er rúmgott með planka parketi á gólfi og góðum fataskápum. Innangengt er frá hjónaherberginu inn í baðherbergið sem er á hæðinni.  
Baðherbergi: Hægt er að ganga inn í baðherbergið bæði frá alrýminu og einnig beint inn úr hjónaherberginu. Ljósar flísar eru á gólfi og á flestum veggjum. Brún bæsuð innrétting er undir vaskaborði. Speglaskápur er á vegg fyrir ofan innréttinguna. Stór sturta með gleri og góðu aðgengi er í rýminu. Hvítir auka skápar eru við vegg á móti sturtunni. 
Garður: Hellulagt stórt bílaplan með snjóbræðslu. Timburverönd með heitum potti og geymsluskúr. Auka verönd fyrir skemmtilegt setusvæði. Grasflötur og mikið um fallegar fjölærar plöntur. Garðurinn afgirtur með skjólveggjum.

Allar nánari upplýsingar veitir Berglind Hólm lögg.fasteignasali í síma 694-4000 eða berglind@remax.is