Rekagrandi 10

Rekagrandi 10 – björt íbúð á tveimur hæðum með suðursvölum og stæði í bílageymslu
Fasteignasalan TORG og Aðalsteinn Bjarna lgf. kynna bjarta og sjarmerandi fjögurra herbergja íbúð á tveimur hæðum við Rekagranda 10 í Vesturbæ Reykjavíkur.  Íbúðin er á þriðju hæð með í risi og skiptist í opið stofu- og borðstofurými ásamt eldhúsi, tvö svefnherbergi, sjónvarpshol og tvö baðherbergi.  Úr stofu er gengið út á suðursvalir.  Eigninni fylgja sérgeymsla og stæði í lokaðri bílageymslu.  Skráð heildarstærð eignarinnar skv. HMS er 83,1 m², þar af er íbúðarhlutinn 78,5 m² og sérgeymsla 4,6 m².  Gólfflötur í risi er meiri en birtir fermetrar gefa til kynna þar sem hluti rýmisins er undir súð.  Góður möguleiki er á að bæta við herbergi í risi.  Svalir eru skráðar 8,1 m² og eru utan skráðrar heildarstærðar. Frábær staðsetning m.t.t. skóla og leikskóla fyrir börnin og öll helsta þjónusta er í næsta nágrenni. Allar nánari upplýsingar veitir Aðalsteinn Bjarnason lgf. hjá Fasteignasölunni TORG.

Helstu eiginleikar eignarinnar:

• Bjart og opið stofu- og borðstofurými.
• Tvö rúmgóð svefnherbergi með fataskápum.
• Sjónvarpshol í risi.
• Baðherbergi á báðum hæðum.
• Aðstaða fyrir þvottavél innan íbúðar.
• Suðursvalir, skráðar 8,1 m².
• Sérgeymsla og stæði í lokaðri bílageymslu.

Nánari lýsing eignahluta:
NEÐRI HÆÐ: Komið er inn í forstofu sem opnast inn í alrými íbúðarinnar. Stofa og borðstofa mynda opið og bjart rými með parketi á gólfi og stórum gluggum. Úr stofu er gengið út á hellulagðar suðursvalir með rými fyrir útihúsgögn.  Eldhúsið er opið að stofu og borðstofu. Þar er viðarlituð innrétting með efri og neðri skápum og skaga sem afmarkar eldhúsið frá setustofunni. Í eldhúsi eru helluborð, bakaraofn og vifta.  Svefnherbergi neðri hæðar er rúmgott og bjart með góðu skápaplássi og tveimur þakgluggum.  Baðherbergi neðri hæðar er með baðkari, salerni, handlaug og skápum. Þar er jafnframt aðstaða fyrir þvottavél. Flísar eru á gólfi og hluta veggja.
EFRI HÆÐ - RIS: Hringstigi liggur úr alrýminu upp í ris.  Þar er rúmgott sjónvarpshol með þakglugga og rými fyrir setuaðstöðu.  Afar rúmgott herbergi með tveimur þakgluggum og fataskáp.  Baðherbergi á efri hæð er með sturtu, salerni og handlaug.
Geymsla og bílageymsla: Eigninni fylgir 4,6 m² sérgeymsla og stæði í sameiginlegri, lokaðri bílageymslu.
Sameign og lóð: Í sameign á jarðhæð er þurrkherbergi, þar sem aðgangur er að snúrum og þurrkara. Þar er einnig hjólageymsla.  Sameiginleg lóð er gróin með grasflötum og hellulögðum gönguleiðum.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.