Bollagarðar 77

*** EIGNIN ER SELD, MEÐ FYRIRVARA *** ER MEÐ KAUPENDUR Á SKRÁ FYRIR SÉRBÝLI EÐA EINBÝLI Á SELTJARNARNESI. - HAFIÐ SAMBAND Í SÍMA 773-3532 EF ÞIÐ ERUÐ Í SÖLUHUGLEIÐINGUM.

Fasteignasalan TORG og Aðalsteinn Bjarna lgf. kynna í sölu fallegt og vel viðhaldið einbýlishús á tveimur hæðum ásamt innbyggðum bílskúr og óskráðs rými í risi við Bollagarða 77 á Seltjarnarnesi. EFRI HÆÐ er vel skipulögð og að hluta undir súð svo hún er nokkuð stærri (c.a. 15 m2) í gólffermetrum en skráðir fermetrar segja til um. Þar eru þrjú rúmgóð barnaherbergi, hjónaherbergi, baðherbergi, þvottahús og fjölskyldurými með útgengi á svalir. NEÐRI HÆÐ samanstendur af eldhúsi og stóru aðalrými með borðstofu og setustofu ásamt aðgengi að stórri verönd og garði með geymsluskúr. Að auki er innbyggður bílskúr og forstofurými með gestasalerni á neðri hæðinni. Garðurinn er gróinn með lágum trjágróðri, afgirtur með timburgrindverki og falleg timburverönd er við húsið ásamt geymsluskúr. Yfir efri hæðinni er svo rúmgott og manngengt geymsluris sem ekki er innan skráðra fermetra. Fallegt útsýni er til sjávar úr hluta hússins en garðurinn snýr að mestu í suður og er skjólsælt og sólríkt þeim megin. Frábær staðsetning utarlega á nesinu og alveg tilvalið fjölskylduhús.

*** SMELLIÐ HÉR TIL AÐ BÓKA SKOÐUN ***

Eignin er skráð sem hér segir hjá fasteignaskrá HMS: Eign 206-7163, birt stærð 187.2 m2. Þar af er bílskúr 25,3 m2. - ATH. - Efri hæð er að hluta undir súð og óskráð rými er í risi.

Nánari lýsing og skipting eignarhluta: 

*** Neðri hæð ***
Forstofurými: Með fataskáp og gráum terrazzo flísum á gólfi. Inn af forstofu er hurð með gleri inn í íbúðarrými en einnig er bæði gestasalerni og inngangur í bílskúr inn af forstofu.
Gestasalerni: Er inn af forstofu með flísum og vaski.
Bílskúr: Er innangengur úr forstofu með lökkuðu gólfi og bílskúrshurðar opnara.
Hol/Gangur: Inn af forstofu er komið í opið hol/gang sem tengir saman stofur, eldhús og stiga fallega í miðju hússins. 
Eldhús: Með stórri J laga viðarinnréttingu, þar sem er gott geymslu- og vinnupláss, en auk þess er búr með hurð og notalegur borðkrókur. Á gólfi eru terrazzo flísar.
Borðstofa: Er inn af eldhúsi í austurhluta alrýmisins og er björt og rúmgóð með glugga á tvo vegu. Parket á gólfi. Útgengi í miðju alrými út á timburverönd og garð.
Stofa: Setustofan er í vesturhluta alrýmisins og er björt og rúmgóð með glugga á tvo vegu. Parket á gólfi. Útgengi í miðju alrými út á timburverönd og garð.
Alrými: Samanstendur af borðstofu og stofu, en í miðju rýminu er fallegur stigi milli hæða ásamt útgengi út á verönd með stórum gólfsíðum gluggum sitthvoru megin við hurð.
Verönd: Stór timburverönd snýr í suður og rammar einnig inn trjábeðin á fallegan máta. Skjólveggir við hús.
Geymsluskúr: Rúmgóður (c.a. 7,5 m2) skúr er á lóðinni sem nýtist vel til að geyma ýmis áhöld, verkfæri og búnað.
Lóðin: Er með trjágróðri og afgirt með timburgirðingu. Hellulagt bílaplan er fyrir framan húsið og útigeymsla næst inngangi í húsið að norðanverðu. 

*** Efri hæð ***
Barnaherbergin eru þrjú, rúmgóð með parketi, gólfsíðum glugga og tvö þeirra eru með fataskáp.
Hjónaherbergi er með rúmgóðum fataskáp, gólfsíðum glugga og harðparketi á gólfi.
Baðherbergi er flísalagt hátt og lágt með ljósum flísum og er með baðkari og sturtuklefa, tveir opnanlegir þakgluggar tryggja góða birtu og útsýni yfir sjóinn..
Þvottahús er með flísum á gólfi, stórri borðplötu með vaski ásamt tengi fyrir þvottavél og þurrkara.
Fjölskyldurými er opið rými fyrir miðju efri hæðar sem er með aukinni lofthæð að hluta gólfsíðum gluggum ásamt útgengi á svalir.
Svalir eru á efri hæð með nýlegu handriði og snúa í suður.
Geymsluris: Yfir stórum hluta efri hæðar er stórt rými sem er um 40 m2 að flatarmáli sem óskráð er í heildarfermetra hússins, en gæti boðið upp á ýmsa möguleika varðandi nýtingu.

*** SMELLIÐ HÉR TIL AÐ SÆKJA SÖLUYFIRLIT ***

Allar nánari upplýsingar veita:
Aðalsteinn Bjarnason - Löggiltur fasteignasali / s.773-3532 / adalsteinn@fstorg.is
Margrét Rós Einarsdóttir - Löggiltur fasteignasali / s.856-5858 / margret@fstorg.is

*** SMELLTU HÉR FYRIR FRÍTT VERÐMAT OG SÖLURÁÐGJÖF ***

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.