Háteigsvegur 19

Elka lgf. s. 863-8813 og Fasteignasalan TORG kynna Háteigsveg 19, 105 Reykjavík.
Vel staðsett 90 m² íbúð í Norðurmýrinni. Eignin skiptist í 60,1 m² íbúð á aðalhæð ásamt 29,9 m² séreignarrýmum í kjallara. Þar er 16,8 m² herbergi, skráð sem geymsla (getur nýst sem útleiguening).
Áhugaverð eign með ýmsa möguleika til endurnóta á eftirsóttum stað.
Eignin skiptist í hol, eldhús, tvær samliggjandi stofur, hjónaherbergi og baðherbergi. Í kjallara eru herbergi, þvottahús með sauna, sturtu og salerni ásamt geymslu undir stiga.
Nánari upplýsingar veitir Elka Guðmundsdóttir löggiltur fasteignasali í síma 863-8813 eða með tölvupósti á elka@fstorg.is.

Nánari lýsing:
Gengið er inn um sameiginlegan inngang með íbúð á efri hæð.
Rúmgott hol með fataskáp.
Eldhús: Hvít eldhúsinnrétting með góðu skápaplássi og flísum á milli efri og neðri skápa. Bakaraofn og helluborð.
Tvær samliggjandi og bjartar stofur. Önnur stofan er nýtt sem svefnherbergi í dag.
Hjónaherbergi: Með fataskáp og harðparketi á gólfi.
Baðherbergi: Með epoxí á gólfi og veggjum í kringum sturtu. Þar er sturta, salerni og lítil vaskinnrétting.
Harðparket er á gólfum íbúðarinnar að baðherbergi undanskildu.
Í séreign í kjallara:
Rúmgott þvottahús með flísum á gólfi. Að sögn seljanda var rýmið mikið endurnýjað árið 2013, meðal annars lagnir. Þar er sérsmíðaður saunaklefi að finnskri fyrirmynd þar sem loftun er um skorstein. Einnig er þar salerni, vaskur og flísalögð sturta. Einfalt gler er í glugga þvottahússins.
Við hlið þvottahússins er 16,8 m² parketlagt herbergi með glugga. Rýmið er skráð sem geymsla í fasteignaskrá en er í útleigu í dag.
Lítil geymsla undir stiga, skráð 1,0 m².

Íbúðinni fylgir bílastæði með snjóbræðslu þar sem rúmast tveir bílar. Útigeymsla og garður eru í sameign.

Eignin er vel staðsett í grónu og fjölskylduvænu hverfi í Norðurmýrinni. Stutt er í leik- og grunnskóla, verslanir, þjónustu og almenningssamgöngur. Miðborg Reykjavíkur, Klambratún og fjölbreytt útivist eru í þægilegu göngufæri.

Nánari upplýsingar veitir Elka Guðmundsdóttir löggiltur fasteignasali í síma 863-8813 eða með tölvupósti á elka@fstorg.is.



Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Væntanlegum kaupendum er bent á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Almennt um fylgifé íbúðarhúsnæðis:
Til fylgifjár íbúðarhúsnæðis teljast varanlegar innréttingar og búnaður sem annaðhvort er skeytt varanlega við fasteignina eða er sérstaklega sniðinn að henni. Þetta á meðal annars við um fastan búnað og lagnir til hitunnar og vatnsmiðlunar, rafmagnsvirki og leiðslur, loftnet og annan móttökubúnað í eigu seljanda, sem fest eru á fasteign, föst gólfteppi og önnur gólfefni sérstaklega tilsniðin, gluggabúnað, bað- og eldhúsinnréttingar og tæki og vélar sem eru sérstaklega felld inn í innréttingarnar og verða hluti af þeim og aðra innbyggða hluta.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 3.800,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.