Emburhöfði (Eyjaklasi)

Hrannar Jónsson, löggiltur fasteignasali og Lifum Heima fasteignasala kynna:

Emburhöfða, Nautey, Litla-Nautey, Díanes og Borgundarhólma sem eru eyðieyjar, skráðar sem lögbýli og eru innan Hvammsfjarðarrastar í minni Hvammsfjarðar utan við Búðardal.

Emburhöfði er aðal eyjan, fallega gróin eyja með fögru útsýni, með bátalægi, dúntekju og óspilltri náttúru.

Ofan við núverandi bæjarstæði er mikið af hleðslum af gömlum minjum sem ekki hafa verið skoðaðar í seinni tíð.

Nautey, Litla-Nautey, Díanes og Borgundarhólmar eru ásamt Emburhöfða áætlaðar um 2,5 ferkílómetrar að stærð, en þó er ekki til staðfest skráning á stærð.

Eyjunar eru eyðieyjar þótt skráðar séu lögbýli, dúntekja hefur verið góð, á bilinu 13-20 kg af hreinsuðum dún á ári.

Vatni er dælt uppúr ferskvatnsholu í mýri og nýtist það fyrir salerni, sturtu og hægt að sjóða það sem neysluvatn en núverandi eigandi hefur mest tekið drykkjarvatn með sér á brúsum.

Gas ísskápur er til staðar, eldavél og er næg gistiaðstaða.

Húsakostur er eftirfarandi:
Sumarbústaður, byggður 1985, skráð stærð 10,9 fm plús svefnloft.
Starfsmannahús, byggt 2000, skráð stærð 52 fm.
Geymsla, byggð 2008, skráð stærð 29,7 fm.

Nægt rafmagn er með nýrri fjarstýrðri hátækni ljósavél og nýjum rafgeymi, eigandi þarf ekki að hlaða nema á 2-4 daga fresti fyrir núverandi notkun.

Ein ný og önnur eldri sólarsella eru til staðar, ágætis vatnsdæla, verkfæri og ýmislegt er til staðar og getur fylgt með skv. nánara samtali.

Frá gamla tímanum er líka orf og ljáir, flott gömul verkfæri sem eru vel nothæf enn til dags.

Mögulegt er að ræða við eigendur um bátamál skv. nánara samtali en þeir hafa nýlega sett upp gott ból/lægi fyrir báta utan við grynningar sem myndast á fjöru og hafa notað sér minni bát til að fara í land.

Breiðafjörður er annar stærsti flói landsins með mynni um 70 km að breidd og eru óteljandi eyjar í flóanum þar sem hann grynnkar og mjókkar. Áætlað er að á bilinu 2700 -2800 þeirra séu með einhverjum gróðri en auk þess er fjöldi skerja. Mikið af þessum eyjum voru byggðar áður fyrr en eru nú komnar allar í eyði.

Eyjarnar eiga að hafa myndast undan afli skriðjökla á ísaldartímanum. Eyjarnar eru flatlendar og jarðlögin svipuð og á Vestfjörðum. Vestureyjar liggja á stórri megineldstöð sem kennd er við Flatey. Í mörgum eyjanna er mikil gróska og margar tegundir plantna. Stór hluti af hérlendum stofnum fugla eins og lunda, æðarfugls og teistu er á firðinum. Sagt er að fólk sem bjó við Breiðafjörð og á eyjunum hafi sjaldan eða aldrei liðið matarskort. Eyjarnar iða af fuglalífi og flesta fuglana má nytja. Auk þess var gnægð fisks og sjávarspendýra í flóanum, fjörubeit og fleira. 

Nánari upplýsingar veita:
Hrannar Jónsson löggiltur fasteignasali / s.899-0720 / hrannar@lifumheima.is
Lifum heima fasteignasala / s.463 3333 / lifumheima@lifumheima.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Lifum Heima fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun. Almennt getur kaupandi ekki borið fyrir sig að ástand eignar sé annað en það sem hann hefði mátt sjá við slíka skoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002, og ábyrgist að þær séu réttar. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. Það sama á við um staðhæfingar seljanda eignar um viðhald og einstaka framkvæmdir.

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.