Pálmalundur

Svavar Friðriksson, löggiltur fasteignasali, og Fasteignasalan Torg kynna með stolti: ***13 ha. jörð ásamt nýlegum 35m² bústað ásamt geymslu í Vestur Húnavatnssýslu***

Um er að ræða fallegt land við Miðfjarðarvatn en það um 200 km akstur frá höfuðborginni. Landið liggur við þjóðveg númer 1 í Vestur Húnavatnssýslu og ber heitið Pálmalundur. Á landinu er bústaður sem er 35m². Að auki er 30m² geymsla. Hitaveita er komin að lóðarmörkum. Kalt vatn er tengt og þriggja fasa rafmagn. Ótengd hitaveitutúba er á staðnum. Landið er um 11 km frá Hvammstanga, sem er þekktur viðkomustaður ferðlanga þar sem selasetrið er, og 47 km er yfir á Blönduós en þar eru verslanir og fjölþætt þjónusta í boði. Hinn fallegi Hvítserkur er í um 37 km fjarlægð. Hið sögufræga Borgarvirki er ekki langt undan sem og Víðidalur þar sem síðasta aftaka landsins fór fram. Landið býður upp á mikla möguleika og eigendur hafa aðgang að veiðihlunnindum í Miðfjarðarvatni en töluvert er af Urriða í vatninu. Einn hektari er ræktaður. Annars er landið að mestu framræst og er gott til ræktunar. Meðfram þjóðvegi 1 á þessu svæði er afgirt hestslóð. 
Allar nánari upplýsingar veitir Svavar Friðriksson, löggiltur fasteignasali, í síma 623-1717 - svavar@fstorg.is. 

Gjöld sem kaupandi þarf að standa straum af vegna kaupa á fasteign:
1. Stimpilgjald af fasteignamati fasteignar er 0.8%, en 0,4% fyrir fyrstu kaup og 1,6% fyrir lögaðila.  
2. Þinglýsingargjald: kaupsamningi, skuldabréfi, veðleyfi, afsali o.s.frv. er kr. 2.500 af hverju skjali.
3. Lántökukostnaður samkvæmt verðskrá viðkomandi lánastofnunar.
4. Umsýslugjald til fasteignasölu skv. gjaldskrá.
5. Kaupandi eignarinnar greiðir skipulagsgjald þegar það verður lagt sem er 0,3% af endanlegu brunabótamati eignarinnar.

Skoðunarskylda kaupanda:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma
í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags.
Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002.
Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra.