Háahlíð 10

Betri Stofan og Jason Kristinn sími 7751515 jason@betristofan.is kynna: Stórglæsilegt einbýlishús við Háuhlíð 10 í 105 Reykjavík.  Eignin er tveggja hæða 368 m2 hús í lokaðri götu sem aðeins telur sex hús, fjærst umferð. Húsið lætur lítið yfir sér frá götunni en gengið er inn á stóran terrasso steyptan pall sem tekur hlýlega á móti fólki mót suðri. Eignin er skráð á tveimur fastanúmerum, F2032117 og F2032116. Aðeins tveir eigendur frá upphafi.

Nánari lýsing: Frá honum er hægt að fara inn um aðalinngang hússins eða beint inn í eldhús. 
Komið er inn í flísalagða forstofu, en húsið allt er lagt gegnheilu ljósu parketi, utan forstofa, baðherberja og þvottahúss sem eru flísalögð og geymslu og bílskúrs sem eru máluð.  
Í forstofu er gestasnyrting og fatahengi, en þaðan er farið inn rúmgott hol. 
Stofan, sjónvarpsherbergið og eldhús sambyggt borðstofu eru björt rými með fallegum gluggum.  Arinn er í stofu og úr borðstofunni er útsýni á aðra hönd upp í Öskuhlíð og á hina höndina yfir miðbæ Reykjavíkur, líkt og úr stofunni.  Glæsilegt eldhúsinnrétting frá Phoggen Phol er með Miele tækjum.
Úr holi er gengið niður tvö þrep inn á svefnherbergisgang, inn í sjónvarpsherbergi/kontór, svo og stofu og eldhús.  
Á svefnherbergisgangi er stór þakgluggi sem varpar fallegri birtu í rýmið.  Frá ganginum er farið inn í tvö rúmgóð svefnherbergi með eldri skápum og einnig inn í stórt hjónaherbergi með nýjum skápum, með einkabaðherbergi innaf, sem er með tvöföldum vaski og baðkari.  Frá enda svefnherbergisgangs er gengið út á stóran skjólgóðan sólpall með heitum potti, ásamt heitri og kaldri sturtu.  Þaðan er einnig hægt að ganga fram fyrir húsið og aftur fyrir húsið niður í bakgarðinn.
Neðri hæð:
Úr holi á efri hæð liggur steyptur stigi til neðri hæðar sem er jarðhæð út í garðinn.  
Komið er inn í rúmgott sjónvarpshol, þar fyrir innan er tómstundaherbergi og innaf því er svefnherbergi og gestasalerni ásamt útgangi til austurs.  
Úr sjónvarpsholi liggur einnig svefnherbergisgangur með tveimur svefnherbergjum og sameiginlegu baði með tvöföldum vaski og tvöfaldri sturtu.  
Þá er opið frá sjónvarpsholi inn á gang sem liggur að geymslu og bílskúr, og loks er gengið frá sjónvarpsholi inn í þvottahús, þaðan sem útgengt er í hjólageymslu og út um hurð til suðurs.  
Bílskúr: Í bílskúr sem er skráður 30,5 fm og er pláss fyrir stóran bíl og 5-6 bílastæði eru aukalega á lóð hússins.
Húsið er allt hið glæsilegasta, hefur fengið gott viðhald og verið endurnýjað að nær öllu leyti.  
Stutt er í skóla, verslanir og miðbærinn í 20 mín göngufæri.
Hér er um einstakt tækifæri að ræða, en hús við Háuhlíð hafa löngum gengið í ættir, og koma afar sjaldan á markað.

Allar upplýsingar veita: Jason Kristinn Ólafsson, sími 7751515, jason@betristofan.is löggiltur fasteignasali.